Jesoiya 41:21 - Pennsylvania Dutch Bible

²¹ Bringet eiyah sach foah,” sawkt da Hah. “Losset eiyah seit funn di sacha vissa,” sawkt em Jakob sei Kaynich.

Jesoiya 41:21 Referans Kwoze

Hiob 38:3

Shtay uf un risht dich vi en mann; ich zayl dich sacha frohwa, un du gebsht miah andvat.

Hiob 31:37

Ich dayt eem sawwa veyyich alli shritt es ich gnumma habb, un vi en roolah dayt ich nuff zu eem gay.

Jesoiya 1:18

Kummet nau, vella dess ivvah-shvetza,” sawkt da Hah. “Even vann eiyah sinda bloot-roht sinn, si sella veis sei vi shnay, Even vann si sinn vi roht duch, doch sella si sei vi vull.

Jesoiya 44:6

“Dess is vass da Hah sawkt— da Kaynich funn Israel, deah es saylich macht, da Awlmechtich Hah; Ich binn da eahsht un da letsht, unni mich hott's kenn Gott.

Jesoiya 33:22

Fa da Hah is unsah richtah, da Hah is unsah meishtah; da Hah is unsah kaynich es is een es uns helft.

Jesoiya 41:1

“Seind shtill un heichet mich ab, diah islands! Loss di leit iahra graft fashteika! Loss si nayksht kumma un shvetza; vella zammah kumma un mitt-nannah richta.

Jesoiya 43:9

Loss awl di heida zammah kumma, un awl di leit sich fasamla. Vels funn eena hott dess foahksawt, un uns ksawt vass eahshtah blatz gnumma hott? Loss si iahra zeiknisa foah bringa, un veisa es si recht voahra, so es anri's heahra kenna, un sawwa, “Es is voah.”

Jesoiya 43:15

Ich binn da Hah, eiyah Heilichah, deah es Israel kshaffa hott, un es eiyah kaynich is.”

Jesoiya 46:10

Ich mach's end gvissa fumm ohfang, un funn lang zrikk biss vass noch am kumma is. Vass ich du vill, zayld shtay, un ich du sell es ich du vill.