Jesoiya 40:18 - Pennsylvania Dutch Bible

¹⁸ Mitt vemm, dann, fagleichsht du Gott? Mitt vass fa en ab-bild fagleichsht du een?

Jesoiya 40:18 Referans Kwoze

Jesoiya 46:5

Veah doond diah mich gleich-shtella un mich fagleicha? Mitt vemm messet diah mich es ich eem gleich sei soll?

1. Samuel 2:2

Nimmand is so heilich es da Hah, es is nimmand vi dich, un's is kenn Felsa vi unsah Gott.

2. Mosi 15:11

Veah unnich di gettah is vi du, oh Hah? Veah is vi du, in mechtichi heilichkeit, in vundahboahri lohb un in vunnahrichi kshefta?

Di Apostelgeschichte 17:29

Nau vann miah Gott sei nohch-kummashaft sinn, sedda miah nett denka es di Gottheit is vi gleichnisa vo gmacht sinn funn gold adda silvah adda shtay, un es gmacht sinn funn mensha hend un gedanka.

Jesoiya 40:25

“Mitt vemm doond diah mich fagleicha, es ich sei sett vi eah?” sawkt da Heilich Gott.

Jeremia 10:6

Oh Hah, es is nimmand vi dich; du bisht grohs, un dei nohma is grohs un mechtich.

Psalm 89:6

Fa veah in di himla is gleich vi da Hah? Veah unnich di kinnah funn di mechticha is vi da Hah?

Hiob 40:9

Hosht du en oahm vi Gott, un hosht du en shtimm es dimmeld vi seini?

Micha 7:18

Veah is en Gott vi du, deah es sinda fagebt un es di shulda fagest funn dei leit es ivvahrich sinn? Dei zann bleibt nett fa'immah, avvah du gleichsht bamhatzich sei.

Psalm 89:8

Oh Hah, Almechtichah Gott, veah is vi du? Du bisht mechtich, oh Hah, un dei shtandhaftichkeit is um dich rumm.

2. Mosi 9:14

Fa dessamohl shikk ich awl mei blohwa uf dich selvaht, dei gnechta un dei leit, so es du vissa solsht es nimmand is vi ich in di gans eaht.

2. Mosi 8:10

Da Pharao hott ksawt, “Meiya.” Da Mosi hott ksawt, “'S zayld sei vi du sawksht, so es du vissa solsht es es nimmand hott vi da Hah unsah Gott.

5. Mosi 33:26

Es is kenn gott vi da Gott funn Jesurun, eah foaht deich di himla fa diah helfa, un uf di volka in sei hallichkeit.

2. Mosi 20:4

Du solsht diah kenn abgott macha, adda ennichi gleichnis es gukt vi ebbes im himmel, adda uf di eaht unna droh, adda im vassah unnich di eaht.

Jesoiya 46:9

Meindet vass blatz gnumma hott lang zrikk. Ich binn Gott, un's hott kenn anra; ich binn Gott, un's is nimmand vi ich.

Psalm 113:5

Veah is vi da Hah unsah Gott, deah es hohch in di hay hokt,

Hebräer 1:3

Da Sohn is da glanz funn Gott sei hallichkeit, es gleichlich bild funn sei naduah, un eah haybt alles zammah mitt sei greftich Vatt. Vo eah unsah sinda rein gmacht katt hott bei sich selvaht, hott eah sich anna kokt uf di rechts seit funn demm vo alli macht hott im haychshta.

Kolosser 1:15

Eah is es gleichnis funn Gott vo ma nett sayna kann, da eahsht-geboahra funn alles levendiches.

Jeremia 10:16

Da Gott fumm Jakob is nett vi dee; eah is sellah es alles kshaffa hott, un eah hott's kshlecht funn Israel, sei aykni leit gmacht. Sei nohma is da Awlmechtich Hah!

5. Mosi 4:15

Vo da Hah kshvetzt hott zu eich aus em feiyah am Berg Horeb, hend diah goah kenn gleichnis ksenna. So vatshet eich oahrich

Psalm 89:7

Gott is kfircht in di fasamling funn di heilicha, un vundahboah hohch ufkohva ovvich selli um een rumm.

Jesoiya 44:6

“Dess is vass da Hah sawkt— da Kaynich funn Israel, deah es saylich macht, da Awlmechtich Hah; Ich binn da eahsht un da letsht, unni mich hott's kenn Gott.

Jeremia 10:1

Heichet ab vass da Hah sawkt zu eich, diah fumm haus funn Israel.