Jesoiya 33:6 - Pennsylvania Dutch Bible

⁶ Eah zayld eich shtandhaftich halda an eiyah zeit, eah hald eich aus di kfoah un gebt eich veisheit un eisicht; di furcht fumm Hah is keshtlich zu eem.

Jesoiya 33:6 Referans Kwoze

1. Timotheus 4:8

Es dutt samm goot fa's nadiahlich leib shaffa un's ksund halda, avvah di Gottheit in uns is goot in alli veyya, veil dess en fashpreching haybt fa dess layva un's nekshta.

Matthäus 6:33

Bekimmahret eich seahsht veyyich em Reich-Gottes un sei gerechtichkeit. No zayla diah aw awl dee anri sacha havva.

Shpricha 19:23

Di furcht fumm Hah fiaht zumm layva, no kann ebbah roowa un is frei funn druvvel.

1. Timotheus 6:6

Avvah gettlich sei un zufridda sei is feel veaht.

Breddichah 7:19

Veisheit macht en mann es veisheit hott, may greftich es zeyya roolahs in en shtatt.

Shpricha 14:27

Di furcht fumm Hah is en shpring funn layva, un hald ebbah aus em fang-shtrikk fumm doht.

Psalm 28:8

Da Hah is di graft funn sei leit, en sayfah roo-blatz un hilf fa sei ksalbdah.

Jesoiya 51:6

Machet eiyah awwa uf zu di himla, gukket an di eaht unna droh; di himla zayla fagay vi shmohk, di eaht zayld ausveahra vi glaydah, un selli es drinn voona zayla shteahva un doht gay vi mukka. Avvah mei saylichkeit bleibt fa'immah un mei gerechtichkeit unni end.

Breddichah 7:12

Veisheit gebt acht uf dich so vi geld acht gebt uf dich, avvah's goot ding veyyich veisheit is es es layva gebt zu sellah es es hott.

Shpricha 28:2

Vann en land sindicht, hott's feel roolahs, avvah vann's groold is bei en mann mitt goodah fashtand un eisicht, dann shtayt's lang.

Shpricha 15:16

'Sis bessah fa bissel havva mitt di furcht fumm Hah, es vi feel geld havva un gedruvveld sei.

Psalm 140:7

Oh Almechtichah Hah, mei shteiki hilf, du haldsht mei kobb zu gedekt im dawk funn greek.

Psalm 45:4

In dei hallichkeit foah fassich un nemm ivvah. Fa di sayk funn voahheit, sanftmoot un gerechtichkeit, loss dei rechtsi hand vundahboahri sacha du.

2. Korinther 6:10

bedreebt, avvah immah fraylich, oahm, avvah am feel reich macha, es vi nix havva, un doch alles aykna.

Shpricha 29:4

En kaynich es recht richt macht's land shtandhaftich, avvah aynah es hinna rumm geld nemd fadaubt's land.

2. Kaynicha 18:7

Da Hah voah bei eem, un vass-evvah es eah foah-gnumma hott, hott auskshaft fa een. Eah hott sich kshteld geyyich da kaynich funn Assyria un hott's nimmi gedu fa unnich eem sei.

Shpricha 14:26

Sellah es da Hah firchta dutt hott en shteikah glawva, un sei kinnah vadda aus di kfoah kalda.

Jesoiya 11:9

Nimmand zayld shawda un fadauves du uf meim gansa heilicha berg. Vi da say foll vassah is, so zayld di eaht foll sei mitt leit es da Hah kenna doon.

Jesoiya 26:1

In sellem dawk zayld dess leet ksunga sei in Juda: “Miah henn en shteiki shtatt. Gott shteld di innahlicha un ausahra vanda uf, fa leit aus di kfoah halda.

Jesoiya 33:20

Gukk uf Zion, di shtatt mitt unsah feiyah-dawk feshta, dei awwa zayla Jerusalem sayna, en shtatt in fridda, en tent es an ay blatz bleibt, sei tent-shtikla vadda nett raus grobt, un kens funn sei shtrikk vadda farissa.

Jesoiya 45:17

Avvah Israel zayld frei gmacht sei beim Hah, dess zayld en ayvichi frei-shtelling sei. Du zaylsht nee nimmi fashohmd adda gedaymeedicht vadda deich di gans ayvichkeit.

Jesoiya 51:14

Sellah es kfanga is, vatt glei sei aylend lohs, eah zayld nett shtauva im kellah-kfengnis, un zayld aw nett unni broht sei.

Hiob 4:6

Sett nett dei Gottes-furcht dich shteik psunna macha, un dei unshuldichi vayya diah hofning gevva.

Shpricha 2:5

no zaylsht du di furcht fumm Hah fashtay, un zaylsht di vissaheit funn Gott finna.

Shpricha 14:24

Da krohn funn selli mitt veisheit is iahra reichheit, avvah di dumheit fiaht yusht zu noch may dumheit.

Jesoiya 32:17

Di frucht funn gerechtichkeit zayld fridda sei, un sell vass aus gerechtichkeit kumd is shtilli roo un fadrauwes fa'immah.

Jesoiya 32:18

Mei leit zayla in fridda voona, mitt goodi haymeda, un in bletz funn shtilli roo.

Jeremia 31:34

En mann zayld nimmi sei nochbah adda sei broodah lanna, un sawwa, ‘Lann da Hah kenna,’ fa si zayla mich awl kenna, fumm glenshta zumm grayshta,” sawkt da Hah, “veil ich iahra ungettlichkeit fagebb un nee nimmi an iahra sinda denk.”

Habakuk 2:14

Fa di eaht zayld foll sei mitt di eisicht fumm Hah sei hallichkeit, so vi di vassahra da say zu dekka.