Jesoiya 32:17 - Pennsylvania Dutch Bible

¹⁷ Di frucht funn gerechtichkeit zayld fridda sei, un sell vass aus gerechtichkeit kumd is shtilli roo un fadrauwes fa'immah.

Jesoiya 32:17 Referans Kwoze

Jesoiya 26:3

Du haldsht selli in folkummanah fridda, es iahra gedanka uf diah halda, veil si sich falossa uf dich.

Psalm 119:165

Selli es dei ksetz leeb henn, henn grohsah fridda, un nix kann si shtolbahra macha.

Psalm 85:8

Ich zayl heicha vass Gott da Hah sawwa zayld; eah fashprecht fridda zu sei leit, sei saylichi, avvah si sella nett viddah zrikk gay zu iahra dumhayda.

Römer 14:17

Fa's Reich-Gottes is nett essa un drinka, avvah gerechtichkeit, fridda un frayt im Heilicha Geisht.

1. Johannes 4:17

In demm is di leevi folkumma gmacht mitt uns, so es miah feichtlohs sinn im richtah-dawk, fa vi eah is, so sinn miah in di veld.

Ezekiel 39:29

Ich fashtekkel mei ksicht nimmi funn eena, fa ich habb mei Geisht ausgleaht uf's haus funn Israel,” sawkt da Awlmechtich Hah.

Jesoiya 57:19

un preis shaffa uf iahra leftz. Fridda, fridda, zu selli es veit ab sinn, un zu selli es nayksht sinn,” sawkt da Hah, “un ich zayl si hayla.”

Jesoiya 55:12

Diah zaylet naus gay mitt frayt, un kfiaht sei mitt fridda; di berga un hivla zayla singa fannich eich, un awl di baym im feld shlauwa iahra hend zammah.

Hebräer 6:11

Miah vella havva es yaydah funn eich dee saym fleisichkeit veist, so es diah eiyah hofning fesht haldet biss an's end.

Jesoiya 48:18

Vann du yusht acht gnumma hetsht funn mei gebodda, dann veah dei fridda gvest vi en revvah, un dei gerechtichkeit vi di vella fumm say.

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.

Ezekiel 37:25

Si zayla im land voona es ich zumm Jakob, mei gnecht, gevva habb, es land es iahra foah-feddah drinn gvoond henn. Si, iahra kinnah un iahra kinds-kinnah zayla datt voona fa'immah. Un mei gnecht da Dawfit zayld iahra feddahshtah sei fa'immah.

Jesoiya 66:12

Fa dess is vass da Hah sawkt: “Gukket moll, ich gebb iahra fridda vi en revvah, un di hallichkeit funn di heida vi en grikk am ivvah-lawfa; see feedaht eich an di brusht, drawkt eich in di eahm, un blotzt eich uf iahra gnee.

Jesoiya 30:15

Dess is vass Gott da Hah, deah Heilich funn Israel, sawkt: “In boos du un in roo is eiyah saylichkeit, in fadrauwes un eich shtill hayva is eiyah graft, avvah diah hend's nett gedu.

Jesoiya 11:13

Em Ephraim sei jealousy zayld fagay, un em Juda sei feinda vadda abkshnidda. Da Ephraim zayld nett jealous sei ivvah da Juda un da Juda baddaht da Ephraim nimmi.

Shpricha 14:26

Sellah es da Hah firchta dutt hott en shteikah glawva, un sei kinnah vadda aus di kfoah kalda.

Jesoiya 9:7

Sei macht fa roola vatt graysah un graysah, un sei fridda zayld ayvichlich sei. Eah hokt uf em Dawfit sei kaynich-shtool, un roold ivvah sei Kaynich-Reich. Eah setzt's uf un macht's shteik deich richtes un mitt gerechtichkeit funn datt on un fa'immah. Da grohs eahnsht fumm Awlmechticha Hah zayld awl dess du.

Hebräer 12:11

An di zeit es miah kshtrohft vadda, dutt's uns nett froiya, un's bringd uns dreebsawl. Shpaydah, avvah, bringd's raus di frucht funn gerechtichkeit vo fridda bringd zu selli es gland un gebrocha sinn dibei.

Psalm 85:10

Leevi un voahheit kumma zammah; gerechtichkeit un fridda kissa nannah.

Jesoiya 11:10

Un's zayld zu kumma in sellah dawk, es di Vatzel fumm Jesse raus shtayt es en zaycha zu di leit, un di heida zayla sich zu eem gevva, un sei roo-blatz zayld hallich sei.

Jesoiya 28:12

Eah hott ksawt zu eena, “Dess is da roo-blatz, losset selli es meet sinn roowa, un do is da blatz fa roowa.” Avvah si henn eem nett abkeicht.

Esther 9:30

Da Mordecai hott breefa kshikt zu di Yudda in awl di hunnaht un sivvana zvansich lendah im Ahasveros sei kaynich-reich. Dess voahra freindlichi vadda funn fridda un voahheit,

Shpricha 1:33

Avvah veah mich abheicht zayld aus di kfoah layva; eah zayld im roo voona un sich nett feicha funn evil.”

Jesoiya 33:6

Eah zayld eich shtandhaftich halda an eiyah zeit, eah hald eich aus di kfoah un gebt eich veisheit un eisicht; di furcht fumm Hah is keshtlich zu eem.