Jesoiya 3:24 - Pennsylvania Dutch Bible

²⁴ In blatz funn goot-shmakkich ayl zayld's en veeshtah kshmakk sei; in blatz funn en duch-belt zayld's en shtrikk sei, in blatz funn shayni hoah zayld's en bluddah kobb sei, in blatz funn feini glaydah zayld's sekk-glaydah sei, in blatz funn shayheit zayld's shohm sei.

Jesoiya 3:24 Referans Kwoze

Ezekiel 27:31

Si shayfa iahra kebb fa dich, un doon sekk-glaydah oh. Si heila mitt angsht in iahra sayl, un doon biddahlich veina.

Glawk-Leedah 2:10

Di eldishti funn di Dochtah Zion, hokka shtill uf em bodda. Si shmeisa shtawb uf iahra kebb un doon sekk-glaydah oh. Di yunga mayt funn Jerusalem henka iahra kebb nunnah geyyich da grund.

Micha 1:16

Sheahret eiyah hoah ab, machet eiyah kebb blutt un veinet, fa di kinnah es eich kfellich sinn. Machet eiyah kebb blutt vi en loodah-grabb, fa eiyah kinnah vadda vekk kfiaht funn eich.

Jesoiya 22:12

Fasell hott da Hah, da Awlmechtich Hah, zu eich groofa an sellah dawk, fa heila un veina, fa eiyah hoah abshneida un sekk-glaydah veahra.

Jesoiya 15:3

Si veahra sekk-glaydah in di shtrohsa, uf di dechah un in di shtrohsa sinn si am heila, alli-ebbah is am brilla.

1. Petrus 3:3

Eiyah shmukk soll nett kumma funn so ausahri sacha vi di hoah zebba, gold ohhenka, adda feini glaydah ohdu,

Amos 8:10

Ich dray eiyah feiyah-dawk essa zu veines, un awl eiyah singes zu heiles. Ich mach eich awl sekk-glaydah veahra un mach eich eiyah kebb shayfa. Ich mach selli zeit vi heila fa en aynsishtah boo un da dawk zayld biddah sei biss an's end.

Esther 2:12

Eb en maydel zumm Kaynich Ahasveros gay hott kenna hott see missa zvelf moonet di sacha deich gay es si shay gmacht hott. Fa sex moonet voah see ksalbt mitt ayl funn myrrhe un sex moonet mitt balsam ayl un anri shpeises un annah goot-shmakkich ayl.

3. Mosi 26:16

dann doon ich dess zu eich: Ich zayl grohsah angsht uf eich bringa, veeshti grankeda un feevah es eich blind macht un es eiyah layva shloh vekk nemd. Un diah zaylet eiyah sohma sayya fa nix, veil eiyah feinda kumma zayla un's essa.

Di Offenbarung 18:9

Di kaynicha funn di eaht vo huahrahrei gedrivva henn mitt iahra un en dayl katt henn in iahra lushtboah layva, zayla da shmohk sayna funn iahra am ufbrenna. No doon si veina un heila ivvah see.

Di Offenbarung 16:9

Si voahra gebrend mitt haysi hitz, un si henn da nohma funn Gott faflucht, deah vo macht hott ivvah dee sacha. Avvah si henn's nett gedu fa sich drayya un boos du, adda fa Gott di eah un hallichkeit gevva.

Di Offenbarung 11:3

Ich zayl graft gevva zu mei zvay zeiya, un si zayla broffetzeiya fa en dausend, zvay hunnaht un sechtzich dawk diveil es si geglayt sinn in sekk-glaydah.”

Joel 1:8

Heilet vi en leddich maydel in sekk-glaydah, es heild ivvah da doht fumm mann es see gezayld hott heiyahra.

Ezekiel 7:18

Si zayla sekk-glaydah ohdu, si vadda fagelshtaht mitt angsht. Shohm is uf iahra ksichtah un iahra kebb sinn bawl-kebbich.

Jeremia 48:37

Alli kobb is kshayft un alli boaht is abkshoahra; alli hand is ufkshnidda, un alli bauch hott sekk-glaydah drumm rumm.

Jeremia 6:26

Oh mei leit, doond sekk-glaydah oh, un rollet eich in di esh; veinet un heilet biddahlich, so vi fa en aynsishtah sohn, fa da feind kumd bletzlich un zayld alles fadauva.

Jeremia 4:8

So doond sekk-glaydah oh un heilet un veinet, fa da shreklich zann fumm Hah is nett vekk gedrayt funn uns.

Jesoiya 57:9

Du bisht zumm abgott Molech ganga mitt ayl, un mitt feel goot-shmakkich ayl. Du hosht leit mitt dei vatt veit vekk kshikt, even so veit es es grawb.

Shpricha 31:24

See macht glaydah aus linnen duch un fakawft si; see fakawft belts zu di kawf-leit.

Shpricha 7:17

Ich habb mei bett gmacht goot shmakka mitt myrrhe, aloe un cinnamon.

Hiob 16:15

Ich habb sakk-glaydah ivvah mei haut gnayt, un habb mei shtann in da shtawb gedu.

5. Mosi 32:24

Si zayla fazeaht vadda mitt hungahs-noht, un zayla shteahva mitt veeshti grank-heida. Ich shikk vildi diahra fa si beisa mitt iahra zay, un giftichi shlanga es gradla im shtawb.

5. Mosi 28:22

Da Hah zayld eich shlauwa mitt auszeahring, feevah, ufkshvilles, feiyahrichi hitz, drukkanah grund, haysah vind un grohtz. Dee sacha zayla eich nohch gay biss diah umkummet.

Jeremia 49:3

“Heil, oh Hesbon, veil Ai fadauva is! Greishet, diah veibsleit funn Rabba! Doond sekk-glaydah oh un heilet; shpringet fashtatzt zrikk un faddi, fa dei gott Milkom vatt vekk gnumma, un aw sei preeshtah un evvahshti.

Jesoiya 4:4

Da Hah vesht da drekk vekk funn di veibsleit funn Zion un macht Jerusalem sauvah funn iahra bloot-shulda deich da geisht es richt un es brend vi feiyah.

Jesoiya 3:23

di shpikla, di linnen glaydah, di heet, un iahra shawls.

Jesoiya 15:2

Di leit funn Dibon gayn nuff an da tempel, si gayn in di hohcha-bletz fa heila, Moab heild ivvah Nebo un Medeba, alli-ebbah hott sei kobb kshoahra, un sei boaht abkshnidda.