Jesoiya 3:16 - Pennsylvania Dutch Bible

¹⁶ Da Hah sawkt, “Di veibsleit funn Zion sinn shtols, si lawfa mitt iahra kebb in di hay, un mitt lusht in di awwa, si lawfa rumm mitt katzi shritt, un macha di rings klingla an iahra fees.

Jesoiya 3:16 Referans Kwoze

Jesoiya 4:4

Da Hah vesht da drekk vekk funn di veibsleit funn Zion un macht Jerusalem sauvah funn iahra bloot-shulda deich da geisht es richt un es brend vi feiyah.

Matthäus 21:5

“Sawk di dochtah funn Zion, ‘Gukk moll, dei Kaynich is am zu diah kumma. Eah is daymeedich un is am reida uf en donkey, sell is, en hutsh aus en donkey.’”

Hohches Leet 3:11

Gaynd naus, diah yungi mayt funn Zion un gukket an da Kaynich Solomon mitt seim krohn, da krohn es sei maemm uf een gedu hott uf em dawk funn sei hochtzich, da dawk es sei hatz fraylich voah.

Shpricha 30:13

selli es iahra awwa hohch uf hayva, un gukka so grohs-feelich rumm;

Lukas 23:28

Avvah Jesus is zu eena gedrayt un hott ksawt, “Veibsleit funn Jerusalem, doond nett heila fa mich, avvah heilet fa eich selvaht un fa eiyah kinnah.

Zephania 3:11

Uf sellah dawk zaylsht du dich nett shemma fa alles letzes es du gedu hosht zu miah, veil ich selli aus dee shtatt nemm es sich froiya in iahra hohchmoot. Du zaylsht nee nimmi shtols sei uf meim heilicha berg.

Jesoiya 24:4

Di eaht favelkt un drikkeld uf, di veld vatt shvach un drukka, di hohcha uf di eaht vadda matt.

Jesoiya 3:18

In sellah dawk zayld da Hah iahra shmukk vekk nemma; iahra rings um di bay, di kobb-banda, di hals-kedlen,

Jesoiya 1:8

Di Dochtah funn Zion shtayt laynich, vi en glay heisli in en vei-goahra, vi en shed in en gummahra feld, adda vi en shtatt es umringd is mitt greeks-gnechta.

Shpricha 16:18

Di shtolsheit gayt fannich's fadauves heah, un da hohchmoot fannich em fall.

Jesoiya 3:1

Gukket nau da Hah, da Awlmechtich Hah, zayld iahra shtokk un alles es si sich druff falossa, vekk nemma funn Jerusalem un Juda, awl iahra ess-sach un awl iahra vassah,

Jesoiya 3:4

Ich zayl yungi boova ivvah si du, un kinnah zayla si roola.

Jesoiya 3:17

Fasell zayld da Hah grinda uf di veibsleit funn Zion iahra kebb bringa, un da Hah macht iahra kebb blutt.”

Shpricha 21:4

Hohch-oahrichi awwa un en shtols hatz— di lichtah funn di gottlohsa—sinn sinda.