Jesoiya 29:9 - Pennsylvania Dutch Bible

⁹ Machet eich unksheit un seind fashtaund, fablennet eich un sind blind. Machet eich ksoffa, avvah nett funn vei, shtaekkahret, avvah nett funn shteik drinkes.

Jesoiya 29:9 Referans Kwoze

Di Offenbarung 17:6

Ich habb dess veibsmensh ksenna, ksoffa mitt em bloot funn di saylicha un mitt em bloot funn dee vo gezeikt henn veyyich Jesus. Vo ich see ksenna habb, habb ich mich oahrich fashtaund.

Jesoiya 49:26

Ich feedah selli es eich nunnah dredda mitt iahra ayya flaysh; si vadda ksoffa mitt iahra ayya bloot vi mitt seesah vei. No sella awl mensha vissa es ich, da Hah, dei Heiland un Frei-Shtellah binn— da Mechtich Gott fumm Jakob.”

Jesoiya 19:14

Da Hah hott si ufgmixt un daumlich gmacht; si macha Egypta letz gay in alles es see dutt, so vi en ksoffanah rumm shtaekkaht in seim kotz.

Markus 14:41

Un's dritt mohl is eah kumma un hott ksawt zu eena, “Sind diah alsnoch am shlohfa un am roowa? Es is nau genunk. Di shtund is do. Gukket, da Mensha Sohn is farohda vadda in di sindah iahra hend.

Matthäus 26:45

No is eah zrikk zu di yingah kumma un hott ksawt zu eena, “Vellet diah yusht shlohfa un roowa? Heichet moll, di shtund is do, un da Mensha Sohn is in di hend funn sindah farohda vadda.

Habakuk 1:5

“Gukk moll an di heida un vatsh! Un sei folshtendich fashtaund! Fa ich zayl ebbes du in dei dawwa es du nett glawva zaylsht, even vann's diah ksawt vatt.

Glawk-Leedah 4:21

Froi dich un sei fraylich, oh Dochtah funn Edom, du es im land funn Uz voonsht. Avvah's kobli kumd aw rumm zu diah; du vasht ksoffa un zaylsht dich nakkich macha.

Jeremia 51:7

Babylon voah en goldich kobli im Hah sei hand, see hott di gans eaht ksoffa gmacht. Di heida henn iahra vei gedrunka un fasell sinn si aus em kobb ganga.

Jeremia 25:27

“No sawk eena, ‘Dess is vass da Awlmechtich Hah, da Gott funn Israel, sawkt: Drinket, vaddet ksoffa un shmeiset ruff; fallet un shtaynd nimmi uf deich's shvatt es ich unnich eich shikka zayl.’

Jeremia 23:9

Veyyich di brofayda: Mei hatz in miah is am fabrecha; awl mei gnocha ziddahra. Ich binn vi en ksoffanah mann, vi en mann es zu feel vei gedrunka hott, deich vass da Hah un sei heilichi vadda sawwa.

Jeremia 2:12

Seind fashtaund ivvah dess, oh himla, un shidlet mitt angsht,” sawkt da Hah.

Jesoiya 51:17

Vekk uf, vekk uf, un shtay uf, Jerusalem, du es fumm Hah sei hand sei kobli funn zann gedrunka hosht, du es da letsht drobb gedrunka hosht, un's hott dich shtaekkahra gmacht.

Jesoiya 29:10

Da Hah hott en geisht funn en deefah shlohf ivvah eich gebrocht, eah hott eiyah brofayda iahra awwa zu gmacht, un hott iahra kebb zu gedekt.

Jesoiya 1:2

Heichet ab, diah himla un eaht! Fa da Hah hott kshvetzt: “Ich habb kinnah ufgezowwa un si kolfa ufvaxa, avvah si henn sich geyyich mich kshteld.

Jesoiya 29:1

Vay zu diah, Ariel, Ariel, di shtatt fumm Dawfit! Yoah noch yoah haldet oh opfahra mitt eiyah opfah-feshta.

Jesoiya 56:10

Israel iahra vatsh-mennah sinn blind, si vissa nix; si sinn awl dummi hund, es nett gautza kenna. Si leiya rumm un drohma, si gleicha shlohfa.

Jesoiya 63:6

Ich habb di heida fashtambt veil ich bays voah; in meim zann habb ich si ksoffa gmacht un habb iahra bloot uf da bodda gleaht.”

Jeremia 4:9

“In sellem dawk,” sawkt da Hah, “zayla da kaynich un di evvahshta moot faliahra, di preeshtah vadda fagelshtaht, un di brofayda fashtaund.”

Jesoiya 6:10

Mach's hatz funn dee leit fashtokt; mach iahra oahra dawb, un iahra awwa blind. Adda si mechta sayna mitt iahra awwa, heahra mitt iahra oahra, fashtay mitt iahra hatz, un sich bekeahra un kayld vadda.”

Jeremia 13:13

No sawk zu eena, ‘Dess is vass da Hah sawkt, “Ich zayl alli-ebbah es in demm land voond uf filla un ksoffa macha—awl di kaynicha es uf em Dawfit sei kaynich-shtool hokka, di preeshtah, di brofayda un awl di leit es in Jerusalem voona.