Jesoiya 29:8 - Pennsylvania Dutch Bible

⁸ Vi en hungahrichah mann es drohmd eah veah am essa, avvah vann eah vakkah vatt, is eah alsnoch hungahrich, adda vi en dashtichah mann es drohmd eah veah am drinka, avvah eah vekt uf matt un is alsnoch dashtich, so zayld's sei mitt di grohs drubb heida es fechta geyyich da Berg Zion.

Jesoiya 29:8 Referans Kwoze

Jesoiya 44:12

Da shmitt nemd en shtikk eisa, un shaft's in di kohla. Mitt sei shteikah oahm globt eah's in shayb mitt en hammah. Eah vatt hungahrich un vatt shvach, eah drinkt kenn vassah un vatt matt.

Psalm 73:20

Vi en drohm fagayt vann ebbah uf vekt, so, Hah, vann du uf veksht, dann fa'achtsht du iahra bild.

2. Chronik 32:21

Un da Hah hott en engel kshikt es awl di mechticha greeks-leit, di evvahshti un di hauptmennah kshlauwa hott es im kaynich funn Assyria sei camp voahra. So is eah fashohmd zrikk in sei ayya land ganga. Un vo eah in da tempel funn seim gott ganga is, henn samm funn sei aykni kinnah een doht gmacht mitt em shvatt.

Jesoiya 54:17

Kenn greeks-ksha, es gmacht is fa geyyich dich sei, zayld goot ausshaffa, un alli zung es geyyich dich is im gericht, zaylsht du fadamma. Dess is di eahbshaft fa di gnechta fumm Hah, un iahra gerechtichkeit is funn miah,” sawkt da Hah.

Nahum 1:15

Gukket, uf di berga kumma di fees funn aynah es uns goodi sacha sawwa zayld; eah dutt fridda ausroofa. Haldet eiyah feiyah-dawk feshta, diah leit in Juda, folfillet sell vass diah fashprocha hend. Sellah ungettlich zayld nee nimmi deich eiyah land kumma, eah is folshtendich zu nix gebrocht.

Psalm 129:5

Loss awl selli es Zion hassa kshohmd sei un zrikk gedrivva sei.

Jesoiya 41:11

Gukk moll, awl selli es bays sinn mitt diah zayla fashpott un fashohmd sei; selli es geyyich dich sinn, zayla fanixt vadda un umkumma.

Jesoiya 41:12

Du zaylsht sucha fa dei feinda, avvah du zaylsht si nett finna. Selli es greek macha mitt diah zayla sei vi goah nix.

Nahum 2:1

Sellah es ausnannah shtroit is am geyyich dich kumma, shtell dich geyyich een am greeks-haus, vatshet da vayk, machet eich shteik, yooset awl eiyah grefta.