Jesoiya 29:10 - Pennsylvania Dutch Bible

¹⁰ Da Hah hott en geisht funn en deefah shlohf ivvah eich gebrocht, eah hott eiyah brofayda iahra awwa zu gmacht, un hott iahra kebb zu gedekt.

Jesoiya 29:10 Referans Kwoze

Römer 11:8

Vi's kshrivva shtayt, “Gott hott eena da geisht funn shlohf gevva, awwa es si nett sayna kenna, un oahra es si nett heahra kenna, biss an deah dawk.”

Jesoiya 44:18

Si vissa nix un si fashtayn nix; iahra awwa sinn zu gebleshtaht un kenna nett sayna, un iahra hatza sinn zu gmacht, so es si nett fashtay kenna.

Jesoiya 30:10

Si sawwa zu di saynah, “Gukket nimmi fa visions,” un zu di brofayda, “Broffetzeiyet nett zu uns vass recht is! Sawwet uns blesiahlichi sacha, losset uns gay in unsah blindi vayya.

1. Samuel 9:9

(Eahshtah in Israel, vann en mann ganga is ebbes frohwa funn Gott, hott eah als ksawt, “Kumm, vella gay da saynah sayna.” Dess voah veil deah vo “brofayt” kaysa is heit, voah an selli zeit “saynah” kaysa.)

2. Korinther 4:4

Dess sinn dee es nett glawva, un es da gott funn dee veld blind gmacht hott, so es es hell licht funn em hallich Effangaylium funn Christus, vo di fashtelling is funn Gott, nett sheina kann zu eena.

Micha 3:6

Fasell zayld di nacht ivvah eich kumma, un diah greeyet kenn visions, di finshtahnis kumd unni ennich voah-sawwes. Di sunn zayld unnah gay fa di brofayda, un da dawk vatt dunkel fa si.

Ezekiel 14:9

Vann da brofayt sich fafiahra lost fa en vatt broffetzeiya, dann habb ich, da Hah, een fafiaht. Un ich shtrekk mei hand geyyich een, un butz een gans vekk funn mei leit.

Psalm 69:23

Loss iahra awwa dunkel vadda es si nett sayna kenna, un iahra bikkel ivvah-gebikt sei fa'immah.

1. Samuel 26:12

So hott da Dawfit da shpiah un da vassah-tsheah gnumma nayvich em Saul sei kobb un si sinn ganga. Nimmand hott si ksenna adda hott gvist diveyya. Un's is nimmand uf gvekt. Si voahra awl am shlohfa veil da Hah en deefah shlohf ivvah si gebrocht hott.

Micha 3:1

No habb ich ksawt, “Heichet moll diah foah-gengah funn Jakob, diah es di roolahs sinn im Haus funn Israel. Seddet diah nett vissa vass recht is?

Jesoiya 29:14

Fasell zayl ich dee leit nochamohl fashtauna, mitt vundah noch vundah. Selli mitt veisheit zayla iahra veisheit faliahra, un da fashtand funn selli mitt goodah fashtand zayld fagay.”

Jesoiya 43:27

Dei foah-faddah hott ksindicht, un dei evvahshti henn geyyich mich kshaft.

Jeremia 4:9

“In sellem dawk,” sawkt da Hah, “zayla da kaynich un di evvahshta moot faliahra, di preeshtah vadda fagelshtaht, un di brofayda fashtaund.”

Glawk-Leedah 4:14

Nau lawfa si rumm deich di shtrohsa, vi mennah es blind sinn. Si sinn so unrein gmacht mitt bloot, es nimmand iahra glaydah ohrayya dauf.

Micha 2:6

Di leit sawwa, “Doond nett broffetzeiya; doond nett broffetzeiya veyyich selli sacha; miah zayla nett so fashand vadda.”