Jesoiya 25:5 - Pennsylvania Dutch Bible

⁵ Vi di hitz in en drukkanah blatz, machsht du di fremda shtill sei; vi di hitz keel vatt im shadda funn en volk, so machsht du's leet funn di unfashtendicha shtill.

Jesoiya 25:5 Referans Kwoze

Ezekiel 38:9

Du un awl dei greeks-gnechta mitt feel anri lendah zayla nuff ivvah dess land gay vi en shtoahm, vi en volk am's land zu dekka.

Jesoiya 49:10

Si zayla nett hungahrich adda dashtich sei, un di hitz un sunn dreft si nett. Sellah es bamhatzich is zu eena zayld si fiahra, un si an vassah-shpringa bringa.

Jesoiya 18:4

Da Hah hott dess ksawt zu miah, “Ich zayl mich shtill hayva un nunnah gukka funn mei blatz, so vi helli hitz funn di sunn, un vi da dau nuff gayt in di hitz funn di eahn.”

Jesoiya 14:19

Avvah du bisht aus deim grawb kshmissa vadda, vi en nasht es nimmand vill. Du bisht geglayt mitt selli es doht gmacht voahra, selli es deich kshtohsa voahra mitt em shvatt, un in en shtaynichi pitt kshmissa voahra, vi ebbah dohdes es fadredda vatt.

Jesoiya 13:11

Ich zayl di veld shtrohfa fa iahra evil, un di gottlohsa fa iahra sinda. Ich zayl en end macha funn di hohchmeedicha un shtolsa, un zayl selli daymeedicha es frech un unfashtendlich sinn.

Psalm 105:39

Eah hott en volk anna gedu fa si zu dekka un en feiyah fa helling macha nachts.

Jesoiya 25:6

Uf demm berg risht da Awlmechtich Hah en grohs essa mitt goot ess-sach fa alli leit, en grohs essa mitt goodah vei— es besht flaysh un aldah vei.