Jesoiya 23:13 - Pennsylvania Dutch Bible

¹³ Gukk an's land funn di Chaldayah, di leit es nimmi sinn. Assyria hott's en blatz gmacht fa vildi diahra. Si henn tavvahs an di vanda nohch gebaut, henn iahra kaynich-heisah grawbt, un henn di shtatt zammah grissa.

Jesoiya 23:13 Referans Kwoze

Di Apostelgeschichte 7:4

No is eah aus em land funn di Chaldayah ganga, un hott in Haran gvoond, biss sei daett kshtauva voah. Funn datt hott Gott een rivvah gebrocht in dess land vo diah nau voonet.

Habakuk 1:6

Nau gukk moll, ich binn am di Chaldayah ufvekka, selli unfashtendicha un ungeduldicha leit, dee es am ivvah di gans eaht gay sinn, un am lendah ivvah-nemma es nett iahra sinn.

Daniel 4:30

No hott eah ksawt, “Gukk moll an dess grohs Babylon es ich gebaut habb fa mei kaynich haymet. Ich habb dess gebaut mitt mei mechtichi graft, un fa mei aykni eah un hallichkeit.”

Ezekiel 29:18

“Mensha-kind, da Kaynich Nebukadnezar funn Babylon hott sei greeks-gnechta hatt gedrivva geyyich Tyrus. Alli kobb voah blutt grivva un alli shuldah voah roh gmacht. Avvah doch henn si kenn sach grikt fa zrikk nemma bei fechta geyyich Tyrus.

Jesoiya 13:19

Un Babylon, es shenshta in di kaynich-reicha, di hallichkeit funn di shtolsa Chaldayah, zayld ivvah-kshmissa sei bei Gott, so vi Sodom un Gomorra voahra.

Jesoiya 10:7

Avvah dess is nett vass da Assur im sinn hott fa du; dess is nett vass eah in meind hott. Vass eah du vill is fa doht macha un feel leit un lendah ivvah-nemma.

Jesoiya 10:5

“Vay zumm land Assur es ich yoos fa di root funn meim zann; in sei hand is da grohs shtekka funn meim zann.

Psalm 72:9

Di leit in di vildahnis zayla sich nunnah bikka fannich eem, un sei feind zayla da shtawb shlekka.

Hiob 1:17

Diveil es eah noch am shvetza voah is noch aynah bei kumma un hott ksawt, “Di Chaldayah henn sich fadayld in drei drubba un henn di kamayla kshtohla, un henn di gnechta doht gmacht mitt em shvatt. Ich binn da aynsisht es vekk kumma is fa diah dess sawwa.”

2. Chronik 33:11

So hott da Hah di greeks-hauptmennah fumm kaynich funn Assyria geyyich si gebrocht, un si henn da Manasse fesht gnumma mitt hohka, henn een gebunna mitt kedda, un henn een zu Babylon gnumma.

2. Kaynicha 20:12

An selli zeit hott em Baladan sei boo, da Merodach-Baladan, da kaynich funn Babylon, breefa un en kshenk kshikt zumm Hiskia. Eah hott dess gedu veil eah keaht katt hott es da Hiskia viddah ksund vadda is funn sei granket.

2. Kaynicha 17:24

Da kaynich funn Assyria hott leit rei gebrocht funn Babylon, Kutha, Avva, Hamath un Sepharvaim, un hott si in di shtett funn Samaria gedu im blatz funn di Israeliddah. So henn si Samaria ivvah-gnumma un henn in di shtett gvoond datt.

1. Mosi 11:31

Da Tharah hott sei boo, da Abram, un sei kinds-kind, da Lot, em Haran sei boo, un sei shviah-dochtah, di Sarai, em Abram sei fraw, gnumma un zammah sinn si aus Ur in Chaldaya ganga fa in's land Kanaan gay. Si sinn so veit ganga es di shtatt funn Haran un henn datt gvoond.

1. Mosi 11:28

Da Haran is kshtauva eb sei daett, da Tharah, in Ur in Chaldaya, es land vo eah geboahra voah.

1. Mosi 11:9

Fa sell is di shtatt Babel kaysa vadda, veil da Hah di shprohch funn di gans veld fahuddeld hott datt. Un funn datt hott da Hah si ausnannah kshtroit ivvah di gans eaht.

1. Mosi 2:14

Da nohma fumm dridda revvah is Hiddekel adda Tigris, un lawft east fumm land Assyria. Da fiaht revvah is da Euphrates.

Jesoiya 13:21

Avvah di vilda diahra zayla datt leiya; di heisah zayla foll owls sei. Di ostriches zayla datt voona, un di vilda gays datt rumm dansa.

Jesoiya 18:6

Si vadda awl leiya glost fa di awdlah un di vilda diahra; di fekkel feedra uf si im summah, un di vildi diahra im vindah.

Jesoiya 43:14

Dess is vass da Hah, es eich saylich macht, un es heilich is in Israel, sawkt— “Fa eiyah sayk habb ich ebbah noch Babylon kshikt, un habb di rikkel fabrocha es eich kfanga kohva henn. Di Babylonisha sinn difunn ganga, in di shiffah es si sich so kfroit henn drinn.

Ezekiel 23:23

Sell sinn di mennah funn Babylon un awl di mennah funn Chaldaya, un aw di mennah funn Pekod, Schoa un Koa. Awl di mennah funn Assyria kumma mitt eena. Sell sinn shayni yungi mennah, feddahshti un evvahshti, hauptmennah un greeks-gnechta un si reida awl uf geil.