Jesoiya 14:4 - Pennsylvania Dutch Bible

⁴ zaylsht du dess shpott-leet singa geyyich da kaynich funn Babylon: Da grohs nunnah-dreddah is an sei end kumma, sei heslich geraws is faddich.

Jesoiya 14:4 Referans Kwoze

Jesoiya 49:26

Ich feedah selli es eich nunnah dredda mitt iahra ayya flaysh; si vadda ksoffa mitt iahra ayya bloot vi mitt seesah vei. No sella awl mensha vissa es ich, da Hah, dei Heiland un Frei-Shtellah binn— da Mechtich Gott fumm Jakob.”

Di Offenbarung 18:20

Froi dich ivvah see, Himmel, un diah saylichi un aposhtla un brofayda, fa Gott hott si kshtrohft fa vass si gedu hott zu eich!”

Di Offenbarung 18:16

un zayla naus greisha, “Vay, vay, zu di grohs shtatt, vo geglayt voah in fei linnen, purpel un roht duch, un voah gedekt mitt gold, koshtboahri shtay un pearls!

Di Offenbarung 17:6

Ich habb dess veibsmensh ksenna, ksoffa mitt em bloot funn di saylicha un mitt em bloot funn dee vo gezeikt henn veyyich Jesus. Vo ich see ksenna habb, habb ich mich oahrich fashtaund.

Habakuk 2:17

Es veesht sach es du gedu hosht zu Lebanon zayld ivvah dich kumma, un es du di diahra doht gmacht hosht zayld dich fagelshtahra. Fa du hosht mensha-bloot fagossa, un hosht di lendah un shtett fadauva, un awl di leit es drinn voahra.

Daniel 2:38

In dei hend hott eah di mensha, di diahra fumm feld un di fekkel funn di luft gedu. Eah hott dich da roolah gmacht ivvah si vo-evvah es si layva. Du bisht sellah kobb funn gold.

Ezekiel 5:15

Du zaylsht fashpott vadda un nix gezayld sei, un aw en vanning un en grohsah angsht sei zu di heida um dich rumm, vann ich dich shtrohf in meim zann un dich zanka du un fashelda du. Ich, da Hah, habb shvetzt.

Glawk-Leedah 4:1

Vi hott doch's gold sich fadunkeld, un's fei gold da shein faloahra! Di heilicha shtay fumm tempel leiya fashtroit, am ekk funn alli shtrohs.

Jeremia 24:9

Ich mach si grausam un shreklich zu awl di kaynich-reicha uf di eaht. Vo-evvah es ich si ausnannah shtroi vadda si fashpott un faflucht. Si vadda en kshvetz un en shohm ivvahrawlich.

Jesoiya 51:23

Ich du's kobli in di hand funn dei nunnah-drikkah, selli es ksawt henn zu diah, ‘Layk dich anna so es miah ivvah dich lawfa kenna.’ Un du hosht dei bukkel gmacht vi da grund, vi en shtrohs es leit drivvah lawfa.”

Jesoiya 47:5

“Hokk dich anna un sei shtill, gay in's dunkla, du dochtah funn di Chaldayah. Du zaylsht nimmi di kaynich-fraw funn kaynich-reicha kaysa sei.

Jesoiya 14:17

sellah es di veld gmacht hott vi en vildahnis, un di shtett ivvah-gedredda, sellah es sei kfangani nett glost hott haym gay?”

Jesoiya 14:6

dee es als di leit kshlauwa henn im zann unni ufheahra, un henn di heida ivvah-gnumma in vildah zann un si fafolkt unni zrikk hayva.

Jesoiya 13:19

Un Babylon, es shenshta in di kaynich-reicha, di hallichkeit funn di shtolsa Chaldayah, zayld ivvah-kshmissa sei bei Gott, so vi Sodom un Gomorra voahra.

2. Chronik 36:18

Eah hott awl's ksha im tempel funn Gott gnumma, grohs adda glay, un aw awl's keshtlich sach im Hah sei tempel, un's sach es zumm kaynich un di evvahshti keaht hott. No hott eah's awl zu Babylon gnumma.

Jesoiya 9:4

Fa du hosht's yoch funn iahra lasht fabrocha, un di root uf iahra shuldahra, un aw da shtekka funn selli es si nunnah dredda, so vi am dawk funn Midian.

Jesoiya 13:1

Dess is da zeiya veyyich Babylon es da Jesoiya, em Amos sei boo, ksenna hott:

Jesoiya 14:5

Da Hah hott da shtokk funn di Gottlohsa fabrocha, di root funn kaynicha,

Jesoiya 16:4

Losset di auskshtohsana funn Moab bei eich bleiva, fashteklet si funn demm es fadaubt.” Da fafolyah zayld shtobba; dess fafolyes kumd zu en end, un zayld aus em land gay.

Jesoiya 51:13

Hosht du da Hah fagessa es dich gmacht hott, deah es di himla auskshtrekt hott, un da grund glaykt hott fa di eaht, un bei een fagessa, dich kfeicht hosht alli dawk, veyyich em zann fumm nunnah-dreddah, deah vo's im sinn katt hott fa dich umbringa? Vo is nau da zann fumm nunnah-dreddah?

Jesoiya 54:14

In gerechtichkeit zaylsht du gegrund vadda; du zaylsht veit vekk funn nunnah-dreddes sei, un brauchsht dich nett feicha. Fagelshtaht sei is veit vekk, un kumd nett nayksht zu diah.

Jesoiya 21:2

En veeshti vision voah miah gvissa, da rawvah rawbt, un da zvay-ksichtich faroht. Edom, gay un fecht; Media, umringd di shtatt. Ich zayl en end macha funn awl's yammahres es see gmacht hott.

Jeremia 48:17

Heilet fa een, diah es um een rumm sind, awl diah es sei nohma visset; sawwet, ‘Vi oahrich is es mechtich reich fabrocha, sei hallichkeit un macht sinn faddich!’