Jesoiya 14:25 - Pennsylvania Dutch Bible

²⁵ Ich brech nunnah di macht funn di Assyrians in mei land. Uf mei berga shtamb ich si nunnah. Iahra yoch vatt ab funn mei leit gnumma, un iahra gvicht vatt funn mei leit iahra shuldahra gnumma.”

Jesoiya 14:25 Referans Kwoze

Jesoiya 9:4

Fa du hosht's yoch funn iahra lasht fabrocha, un di root uf iahra shuldahra, un aw da shtekka funn selli es si nunnah dredda, so vi am dawk funn Midian.

Nahum 1:13

Nau zayl ich iahra yoch fabrecha un's funn eiyah hals nemma, un ich fabrech di kedda es eich binna.”

Jesoiya 14:5

Da Hah hott da shtokk funn di Gottlohsa fabrocha, di root funn kaynicha,

Ezekiel 39:4

Du zaylsht uf di berga funn Israel falla, du un awl dei greeks-gnechta, un aw awl di greeks-gnechta funn di anra lendah es bei diah sinn. Ich mach dich foodah fa awl di fekkel es flaysh fressa un fa awl di vilda diahra.

Jesoiya 10:12

Vann avvah da Hah awl sei eahvet faddich gmacht hott geyyich da Berg Zion un Jerusalem, dann sawkt eah, “Ich zayl da kaynich funn Assyria shtrohfa fa sei hohchmeedich hatz un shtolsi awwa.

Jesoiya 33:1

Vay zu diah, du es faveeshta dusht, du selvaht voahsht nett faveesht! Un du fafiahrah, nimmand hott dich fafiaht! Vann du moll ufheahsht faveeshta, zaylsht du selvaht faveesht vadda; vann du moll shtobsht fafiahra, zaylsht du selvaht fafiaht vadda.

Jesoiya 52:2

Shiddel da shtawb ab. Shtay uf, Jerusalem, du es kfanga bisht; mach dich lohs funn di kedda um dei hals rumm, du kfangani dochtah funn Zion.

Micha 5:6

Si zayla's land funn Assyria roola mitt em shvatt, es land fumm Nimrod mitt em shvatt in di hand. Eah zayld uns frei macha fumm land Assyria, vann si kumma unsah land fechta, un in unsah land nei kumma.

2. Chronik 32:21

Un da Hah hott en engel kshikt es awl di mechticha greeks-leit, di evvahshti un di hauptmennah kshlauwa hott es im kaynich funn Assyria sei camp voahra. So is eah fashohmd zrikk in sei ayya land ganga. Un vo eah in da tempel funn seim gott ganga is, henn samm funn sei aykni kinnah een doht gmacht mitt em shvatt.

Ezekiel 32:22

Assyria is datt mitt awl iahra greeks-gnechta; gans um see rumm sinn di grayvah funn iahra doht gmachti, awl selli es doht gmacht voahra mitt em shvatt.

Micha 5:5

Eah zayld fridda bringa. An di zeit es di leit funn Assyria in unsah land kumma fa greek macha, un brecha in unsah heisah nei, dann shtella miah sivva heedah uf geyyich si, even acht evvahshti foah-gengah funn di mennah.

Sacharia 10:11

Si zayla mitt angsht deich da say gay; di vella im say vadda kshlauwa, un di deefa bletz im Nile Revvah drikla uf. Di shtolsheit funn Assyria vatt nunnah gebrocht, un Egypta zayld iahra graft faliahra.