Jesoiya 11:3 - Pennsylvania Dutch Bible

³ Di furcht fumm Hah zayld eem kfellich sei; eah zayld nett richta bei vass sei awwa sayna, un zayld sich nett falossa uf vass sei oahra heahra.

Jesoiya 11:3 Referans Kwoze

Johannes 7:24

Doond nett richta bei vass diah sayna kennet, avvah doond recht richta.”

Lukas 2:52

Un Jesus is ufgvaxa un hott als may veisheit katt. Eah hott gnawt katt unnich Gott un unnich mensha.

1. Samuel 16:7

Avvah da Hah hott ksawt zumm Samuel, “Gukk nett an vi eah gukt adda vi grohs es eah is, fa ich habb een nunnah gedrayt. Da Hah gukt nett an di sacha es da mensh saynd. Da mensh gukt an di autseit, avvah da Hah gukt an's hatz.”

Shpricha 2:5

no zaylsht du di furcht fumm Hah fashtay, un zaylsht di vissaheit funn Gott finna.

Hebräer 5:14

Shteik ess-sach is fa gvaxani leit, selli es gland henn deich sich ufbauwa, un deich unnahshitt macha zvishich goot un evil.

1. Kaynicha 3:28

Vo gans Israel keaht hott vi da kaynich gricht hott mitt demm, henn si sich kfeicht veyyich em kaynich, veil si ksenna henn es di veisheit funn Gott in eem voah fa richta.

Shpricha 2:9

No zaylsht du gerechtichkeit fashtay, un aw sell vass recht is, du zaylsht vissa vass feah un recht is in alli vayk.

1. Kaynicha 3:9

So gebb dei gnecht en hatz es veisheit hott fa dei leit richta, un fa vissa vass recht adda letz is. Fa veah kann so en mechtich folk vi dei leit richta?”

2. Samuel 14:17

No hott dei mawt gedenkt, ‘Loss es vatt funn meim hah da kaynich miah roo bringa, fa mei hah da kaynich is vi en engel funn Gott am ausmacha vass goot adda evil is. So vatt da Hah dei Gott bei diah sei.’”

Johannes 2:25

Un's hott nimmand eem sawwa braucha veyyich mensha, fa eah hott goot gvist vass in iahra hatza is.

Hiob 34:3

Fa's oah broviaht vadda aus, so vi di zung ess-sach broviaht.

Hiob 12:11

Broviaht nett's oah di vadda es es heaht, grawt vi di zung ess-sach fasucha dutt?

Jesoiya 33:6

Eah zayld eich shtandhaftich halda an eiyah zeit, eah hald eich aus di kfoah un gebt eich veisheit un eisicht; di furcht fumm Hah is keshtlich zu eem.

Ezekiel 45:8

Da feddahsht roolah zayld sell land aykna. Un mei feddahshti zayla mei leit nimmi nunnah dredda, avvah si lossa es land fadayld sei bei iahra shtamma im haus funn Israel.

Micha 4:3

Eah zayld richta unnich feel leit, un zayld feel mechtichi heida-lendah zanka un iahra shtreit shtobba. Si zayla iahra shvadda in blooks-peinda macha, un iahra shpiahra in sichla. Kenn folk zayld's shvatt uf nemma geyyich en annah folk, un si zayla nee nimmi lanna fa greek macha.

2. Samuel 14:8

Da kaynich hott ksawt zu di fraw, “Gay haym; ich gebb acht uf dee sach fa dich.”