Jeremia 8:15 - Pennsylvania Dutch Bible

¹⁵ Miah henn koft fa fridda, avvah's is nix goodes kumma. Miah henn koft fa kayld vadda, avvah miah sinn yusht fagelshtaht vadda.

Jeremia 8:15 Referans Kwoze

Jeremia 14:19

Hosht du uns gans nunnah gedrayt? Dusht du Zion hassa? Favass hosht du uns so hatt kshlauwa es miah nett kayld sei kenna? Miah henn gvoaht fa fridda, avvah nix goodes is kumma. Miah henn gvoaht fa kayld sei, avvah miah henn yusht may angsht grikt.

1. Thessalonicher 5:3

Vann leit sawwa, “Fridda, un miah henn kenn kfoah,” no bletzlich kumd dess fadeahves uf si vi di shmatza uf en fraw vo en kind havva zayld. Un nimmand kann vekk difunn.

Micha 1:12

Selli es in Mavoth voona sinn am voahra fa's bessah havva, fa shreklichi sacha fumm Hah sinn runnah kumma, biss an's doah funn Jerusalem.

Jeremia 8:11

Si achta mei leit es am vay du sinn, es vann's ebbes leichtes veah, si sawwa, “Fridda, fridda,” un doch hott's kenn fridda.

Jeremia 4:10

No habb ich ksawt, “Ach, Awlmechtichah Hah, du hosht dee leit un Jerusalem veesht fafiaht bei sawwa, ‘Diah zaylet fridda havva,’ diveil es en shvatt an iahra hels is.”

Hiob 30:26

Avvah vo ich koft habb fa goodes sayna, is evil kumma; vo ich gvoaht habb fa helling, is es dunkla kumma.

Jeremia 6:25

Gaynd nett naus in di feldah, un lawfet nett uf di vayya, veil unsah feind en shvatt hott un ivvahrawlich rumm is angsht.

Jeremia 12:12

Uf awl di hohcha un bludda bletz in di vildahnis kumma selli es fadauva, fa es shvatt fumm Hah zayld uf fressa funn aym end fumm land biss an's anra, nimmand zayld fridda havva.

Ezekiel 7:25

Vann si moll fagelshtaht vadda un angsht henn, dann sucha si fridda avvah's hott kenn fridda.