Jeremia 6:30 - Pennsylvania Dutch Bible

³⁰ Si sinn vi silvah es nix veaht is, veil da Hah si nunnah gedrayt hott.”

Jeremia 6:30 Referans Kwoze

Hosea 9:17

Mei Gott zayld si vekk shmeisa veil si eem nett keicht henn; si zayla rumm heah lawfa unnich di heida.

Jesoiya 1:22

Dei silvah is vadda vi abgrohmdah shaum es nix veaht is, un dei goodah vei is gmixt mitt vassah.

Psalm 119:119

Du shmeisht awl di gottlohsa naus vi trash, fasell sinn dei zeiknisa miah leeblich.

Jesoiya 1:25

Ich dray mei hand geyyich eich; ich vesh eiyah drekkichah shaum ab vi mitt lawk-sayf, un nemm alles vekk es nett pyuah is.

Römer 11:1

Ich frohk dann, hott Gott sei leit vekk kshtohsa? Ich dayt nett denka! Fa ich binn aw en Israeliddah, fumm Abraham sei nohch-kummashaft un funn di kshlecht funn Benjamin.

Matthäus 5:13

“Diah sind's sals funn di eaht. Vass kann ma du mitt sals vann's nimmi salsich is? Es is nett goot fa ennich ebbes es vi's uf da bodda shmeisa fa druff lawfa.

Glawk-Leedah 5:22

Adda hosht du uns gans falossa? Zayld dei haysah zann geyyich uns nee nett shtobba!

Jeremia 14:19

Hosht du uns gans nunnah gedrayt? Dusht du Zion hassa? Favass hosht du uns so hatt kshlauwa es miah nett kayld sei kenna? Miah henn gvoaht fa fridda, avvah nix goodes is kumma. Miah henn gvoaht fa kayld sei, avvah miah henn yusht may angsht grikt.

Jeremia 7:29

Shneit dei hoah ab un shmeis see vekk, heil drovva uf di bludda hivla. Fa da Hah hott dee leit es eah zannich is mitt, falossa un si vekk kshtohsa.

Shpricha 25:4

Nemm da shaum ab funn kshmolsa silvah, no kann's gyoost sei beim silvah-shmitt.

Psalm 53:5

Datt zayla si in grohsi furcht sei, vo nix is zu feicha diveyya. Gott zayld di gnocha funn di ungettlicha fashtroiya, si zayla fashohmd sei, veil Gott si vekk kshtohsa hott.

Jeremia 7:1

Dess is es vatt fumm Hah es zumm Jeremia kumma is un hott ksawt:

Sacharia 11:8

Ich binn no di drei shohf-heedah lohs vadda in aym moonet. Si henn mich kast, un ich voah si aw laydich.

2. Kaynicha 17:20

Fasell hott da Hah di gans nohch-kummashaft funn Israel vekk kshtohsa. Eah hott si kshtrohft un hott si ivvah-gedrayt zu iahra feinda es si grawbt henn. Endlich hott eah si gans vekk kshtohsa funn sei ksicht.

Jeremia 23:33

“Vann dee leit adda en brofayt adda en preeshtah dich frohkt, ‘Vass is em Hah sei blohk?’ Dann solsht du sawwa zu eena, ‘Diah sind em Hah sei blohk,’ sawkt da Hah, ‘un ich zayl eich hokka lossa.’