Jeremia 50:14 - Pennsylvania Dutch Bible

¹⁴ Hokket eich uf um Babylon rumm, awl diah es en bow zeeyet. Sheeset see, shpoahret di arrows nett, fa see hott ksindicht geyyich da Hah.

Jeremia 50:14 Referans Kwoze

Jeremia 50:29

Roofet di bow-sheesah geyyich Babylon, awl selli es da bow zeeya kenna. Hokket eich uf gans um see rumm, losset nimmand vekk kumma. Betzawlet see zrikk fa vass see gedu hott, doond zu iahra vi see gedu hott, veil si shtols kshaft hott geyyich da Hah, da Heilich Gott funn Israel.

Habakuk 2:17

Es veesht sach es du gedu hosht zu Lebanon zayld ivvah dich kumma, un es du di diahra doht gmacht hosht zayld dich fagelshtahra. Fa du hosht mensha-bloot fagossa, un hosht di lendah un shtett fadauva, un awl di leit es drinn voahra.

Habakuk 2:8

Veil du feel lendah grawbt hosht, dann zaylsht du grawbt sei bei di leit es ivvahrich sinn. Fa du hosht mensha-bloot fagossa, un awl di lendah, shtett un leit faveesht un umgebrocht.

Jeremia 50:42

Si kumma mitt bows un shpiahs, si sinn veesht un unni bamhatzichkeit. Si macha en yacht vi da roahrich say un reida uf iahra geil. Si sinn grisht vi mennah fa fechta geyyich dich, oh Dochtah funn Babylon.

Jeremia 50:9

Fa ich zayl en drubb shteiki lendah zammah bringa geyyich Babylon funn di natt. Si zayla sich ufhokka geyyich see, un di leit funn di natt zayla see ivvah-nemma. Iahra arrows sinn vi greeks-gnechta es doht macha, un kumma nett leah zrikk.

Jeremia 50:7

Veah-evvah es si kfunna hott, hott si ufkfressa; iahra feinda henn ksawt, ‘'Sis nett unsah shuld, veil si ksindicht henn geyyich da Hah. Eah is iahra rechtah voon-blatz, da Hah, di hofning es iahra foah-feddah katt henn.’

Di Offenbarung 17:5

Un uf iahra shtann voah en nohma kshrivva es en fashtekkeldi mayning hott, “DI GROHS BABYLON, DI MUDDAH FUNN HUAHRA UN DI GRAUSLICHA SACHA FUNN DI VELD.”

Jeremia 51:27

“Gevvet da zaycha im land! Blohset's blohs-hann unnich di heida! Rishtet di heida fa fechta geyyich Babylon; roofet di kaynich-reicha funn Ararat, Minni un Askenas geyyich see. Setzet en greeks-hauptmann uf fa foah gay, shikket greeks-geil geyyich see vi en shvoahm locusts.

Jeremia 51:2

Ich zayl fremdi leit an Babylon shikka vi en vind es shprau vekk blohst, si kumma geyyich see funn alli seida uf em dawk funn fadauves.

Jeremia 50:11

Veil diah eich kfroit hend un lushtich voahret, diah es mei eahbshaft grawbt hend, veil diah rumm shpringet vi en rind in nei graws, un greishet vi en hengsht,

Jeremia 49:35

Dess is vass da Awlmechtich Hah sawkt: “Gukk moll, ich zayl di greeks-bows funn Elam fabrecha, selli bows vass si so shteik macha.

Jeremia 46:9

Machet di geil gay, un rennet fassich mitt di greeks-veyya! Loss di mechticha mennah fassich gay, selli es shields drawwa funn Kush un Put, un di mennah funn Lydia es da bow zeeya.

Jesoiya 13:4

Heichet zu di yacht uf di berga, vi en yacht funn feel leit! Heichet zu di ufruah unnich di kaynich-reicha, es vi vann di heida am zammah kumma veahra. Da Awlmechtich Hah is am greeks-gnechta zammah greeya fa greek macha.

Jesoiya 5:28

Iahra arrows sinn shauf, un iahra bows sinn kshpand; di geil iahra hoofs sinn hatt vi shtay, iahra greeks-veyya reddah vi en vind-veahvel.

Psalm 51:4

Geyyich dich, un dich laynich, habb ich ksindicht, un habb evil gedu fannich dei awwa; so bisht du recht vann du shvetsht, un bisht unshuldich vann du richsht.

2. Samuel 10:9

Da Joab hott nau ksenna es eah fannich sich fechta muss un aw hinnich sich, so hott eah di beshti greeks-gnechta in Israel raus glaysa un hott si naus kshikt geyyich di Aramayah.

1. Samuel 17:20

No is da Dawfit free meiyets uf kshtanna, hott di shohf mitt en heedah glost un hott's shtoft gnumma vi da Jesse eem ksawt hott. Eah is an di camp kumma yusht vi di greeks-gnechta am sich ufhokka voahra fa fechta, un henn da greeks-grish gegrisha.

Jeremia 49:14

Ich habb dess vatt keaht fumm Hah; un en gebodda-drawwah voah naus kshikt unnich di heida fa sawwa, “Samlet eich zammah fa geyyich see gay, rishtet eich fa fechta!”

Jeremia 51:3

Gevvet di sheesah nett zeit fa iahra bow beeya, losset si iahra greeks-ksha nett ohdu. Hend kenn mitt-leides mitt di yunga mennah, machet awl iahra greeks-leit doht.