Jeremia 49:32 - Pennsylvania Dutch Bible

³² Nemmet iahra kamayla vekk, un aw iahra grohsi drubba fee. Ich shtroi selli ausnannah zu di vinda es iahra hoah rund absheahra. Un ich zayl shreklich fadauves uf alli seit bringa,” sawkt da Hah.

Jeremia 49:32 Referans Kwoze

Jeremia 9:26

Egypta, Juda, Edom, di Ammoniddah, Moab un awl selli es veit ab in di vildahnis voona, un doon iahra hoah katz sheahra. Awl selli heida sinn nett beshnidda, un's gans haus funn Israel is nett beshnidda im hatz.”

Ezekiel 5:10

In di mitt funn diah zayla di feddah iahra kinnah essa, un di kinnah zayla iahra feddah essa. Ich zayl shtrohf uf dich bringa un zayl selli vo ivvahrich sinn fashtroiya zu di vinda ivvahrawlich.

Jeremia 49:36

Ich bring di fiah vinda geyyich Elam, funn di fiah ekkah fumm himmel; ich shtroi si ausnannah zu awl dee vinda, so es es kenn folk may hott es di fadrivvana funn Elam nett anna gayn.

Jeremia 25:23

Dedan, Thema, Bus un awl selli es veit ab sinn;

Ezekiel 5:12

En driddel funn dei leit zayla shtauva funn peshtelens un hungahs-noht in dei mitt; en driddel vadda nunnah kakt beim shvatt ausa um dei vanda rumm, un en driddel zayl ich fashtroiya zumm vind un si yawwa mitt em shvatt.

5. Mosi 28:64

No zayld da Hah eich ausnannah shtroiya unnich awl di heida funn aym end funn di veld zumm anra. Datt zayla diah anri gettah funn hols un shtay deena es diah un eiyah foah-feddah nett gekend katt henn.

Jeremia 9:25

“Di dawwa sinn am kumma,” sawkt da Hah, “vann ich selli shtrohfa zayl vo nett beshnidda sinn im hatz—