Jeremia 49:28 - Pennsylvania Dutch Bible

²⁸ Veyyich Kedar un di kaynich-reicha funn Hazor—dee es da Kaynich Nebukadnezar funn Babylon kfochta hott: Dess is vass da Hah sawkt: “Shtay uf un fecht mitt di leit funn Kedar, mach di leit funn di east doht.

Jeremia 49:28 Referans Kwoze

Jesoiya 11:14

Si zayla zammah gay un uf di Philishtah falla in di west, un zayla di leit rawva in di east. Si layya iahra hend uf Edom un Moab, un di leit funn Ammon zayla eena heicha.

Richtah 6:3

Vann di leit funn Israel iahra land als eiksayt katt henn, sinn di Midianiddah, di Amalekiddah un anri leit funn di east ruff ivvah si kumma.

1. Mosi 25:13

Un dess sinn di nayma fumm Ismael sei kinnah es gnohmd sinn vi si geboahra voahra: Da Nebajoth em Ismael sei eahsht-geboahranah, da Kedar, da Adbeel, da Mibsam,

Ezekiel 27:21

Arabia un awl di feddahshti funn Kedar henn kandeld mitt diah mitt lemmah, shohf-bekk un gays.

Jeremia 49:14

Ich habb dess vatt keaht fumm Hah; un en gebodda-drawwah voah naus kshikt unnich di heida fa sawwa, “Samlet eich zammah fa geyyich see gay, rishtet eich fa fechta!”

Jeremia 2:10

Gaynd moll west uf's island funn Cyprus, un shikket ebbah east zumm land funn Kedar, losset si sacha pinklich aussucha, un saynet eb so ebbes selayva blatz gnumma hott.

Jeremia 49:33

“Es land Hazor vatt en blatz fa vildi hund; es vatt en leah land fa'immah. Nimmand zayld datt voona, un kenn mensh bleibt datt.”

Jesoiya 42:11

Losset di vildahnis un iahra shtett laut singa, un aw di shtetlen vo di Kedar-leit drinn voona. Losset di leit es in di felsa voona fraylich singa, losset si singa funn ovva uf di berga.

Jesoiya 21:13

En zeiya veyyich Arabia: Diah drubb Dedaniddah mitt eiyah kamayla, diah misset ivvah-nacht bleiva bei di hekka-putsha funn Arabia.

Hohches Leet 1:5

Ich binn shvatz, avvah doch leeblich, diah yungi mayt funn Jerusalem, vi di tents funn Kedar, un di tent-curtains fumm Solomon.

Hiob 1:3

Eah hott sivva dausend shohf katt, drei dausend kamayla, fimf hunnaht yoch oxa, fimf hunnaht aysel-mahra un aw feel gnechta. Eah voah reichah un haychah ohksenna es ennichah mann funn di East.

1. Chronik 1:29

Dess sinn iahra nohch-kummashaft: Da Nebajoth voah em Ismael sei eahsht-geboahranah; no voah da Kedar, da Adbeel, da Mibsam,

1. Mosi 25:6

Avvah diveil es eah noch glaybt hott, hott eah kshenkah gevva zu di boova funn sei nayva-veivah, un hott si vekk kshikt fumm Isaac in's land funn di east.

Psalm 120:5

Es is miah vay, es ich voona muss unnich eich in Mesech, un in di tents funn Kedar.

Jeremia 25:23

Dedan, Thema, Bus un awl selli es veit ab sinn;

Jeremia 25:24

awl di kaynicha funn Arabia un awl di kaynicha funn fremdi leit es in di vildahnis voona;