Jeremia 49:22 - Pennsylvania Dutch Bible

²² Gukk moll, aynah zayld in di hay gay, un zayld nunnah fleeya vi en awdlah; eah zayld sei flikkel naus shtrekka ivvah Bozra. In sellem dawk, zayla di hatza funn Edom iahra greeks-gnechta sei vi en veibsmensh am en kind havva.

Jeremia 49:22 Referans Kwoze

Hosea 8:1

“Doond's blohs-hann zu eiyah leftz! Da feind kumd ivvah's haus fumm Hah vi en awdlah, veil si mei bund gebrocha henn, un sich geyyich mei ksetz kshteld henn.

Jesoiya 13:8

Si vadda fagelshtaht, shmatza un angsht kumma ivvah si; es vatt eena bang vi en fraw am en kind havva. Si gukka an nannah mitt furcht, iahra ksichtah sinn roht vi flamm.

Jeremia 49:24

Damascus is shvach vadda; see hott sich gedrayt fa shpringa, un is oahrich fagelshtaht. Angsht un shmatza sinn ivvah see kumma, so vi en veibsmensh am en kind havva.

Jeremia 30:6

Frohk nau moll un sayn: Kann en mann kinnah havva? So favass sayn ich alli shteikah mann mitt sei hend uf em bauch, vi en fraw am en kind havva? Favass is alli ksicht blayich?

Jeremia 6:24

Miah henn keaht veyyich eena, un unsah hend henka nunnah. 'Sis uns angsht un miah henn shmatza, so vi en veibsmensh es am en kind havva is.

Jeremia 4:13

Gukk moll, da feind kumd vi di volka, sei greeks-veyya kumma vi en vind-veahvel, sei geil gayn shteikah es awdlah. Vay zu uns, miah sinn faloahra!

5. Mosi 28:49

Da Hah zayld en folk geyyich eich bringa funn veit fatt, fumm end funn di veld, en folk mitt en shprohch es diah nett fashtaynd. Si fleeya nunnah uf eich vi en awdlah.

1. Thessalonicher 5:3

Vann leit sawwa, “Fridda, un miah henn kenn kfoah,” no bletzlich kumd dess fadeahves uf si vi di shmatza uf en fraw vo en kind havva zayld. Un nimmand kann vekk difunn.

Daniel 7:4

Es eahsht diah voah vi en layb un hott flikkel katt vi en awdlah. Ich habb gvatsht biss sei flikkel abgrissa vadda sinn, un eah voah uf kohva fumm grund un voah gmacht uf zvay fees shtay vi en mann; 's voah eem en menshlich hatz gevva.

Jeremia 22:23

Du kaynich es di cedars funn Lebanon gleichsht, du es in di cedar heisah voonsht, vi oahrich zaylsht du yammahra vann di shmatza kumma, di shmatza vi en fraw am en kind havva!”

Jeremia 13:21

Vass sawwet diah vann da Hah selli ivvah eich shteld, selli es diah gmaynd hend es eiyah freind voahra? Zaylet diah nett shmatza havva, so vi en fraw es am en kind havva is?

Jeremia 4:31

Ich heah ebbah am greisha, vi en fraw am en kind havva, en geyammah vi ayni am iahra eahsht kind havva. Di Dochtah funn Zion is am greisha un hatt shnaufa, am iahra hend naus shtrekka un sawwa, “Vay zu miah, ich binn faddich, si zayla mich umbringa.”

Jesoiya 26:17

Vi en veibsmensh am en kind havva, sich fadrayt un naus greisht in shmatza, so voahra miah fannich deim ksicht, oh Hah.

Jesoiya 21:3

Funn demm is mei leib foll shmatza, un shmatza kumma ivvah mich vi en veibsmensh am en kind havva. Ich binn ivvah-kumma bei vass ich heah, un fagelshtaht bei vass ich sayn.

Psalm 18:5

Di shtrikk fumm grawb sinn um mich rumm gvest, un da doht hott sei fall ksetzt katt fa mich.

Shpricha 30:19

da vayk funn en awdlah drovva in di hay, da vayk funn en shlang uf en shtay, da vayk funn en shiff uf em say, un da vayk funn en mann mitt en maydel.

Jesoiya 11:14

Si zayla zammah gay un uf di Philishtah falla in di west, un zayla di leit rawva in di east. Si layya iahra hend uf Edom un Moab, un di leit funn Ammon zayla eena heicha.

Jeremia 50:36

En shvatt zayld ivvah iahra falshi brofayda kumma! Si vadda vi selli es nett ksheit sinn. En shvatt zayld ivvah iahra greeks-gnechta kumma! Si vadda fagelshtaht mitt grohsah angsht.

Obadia 1:9

Dei greeks-gnechta, oh shtatt Theman, vadda fagelshtaht; alli-ebbah uf em Berg Esau vatt nunnah kshlauwa un doht gmacht.

Jeremia 50:43

Da kaynich funn Babylon hott keaht veyyich eena, un sei hend henka nunnah. 'Sis eem angsht un eah hott shmatza, so vi en veibsmensh es am en kind havva is.