Jeremia 48:46 - Pennsylvania Dutch Bible

⁴⁶ Vay zu dich, Moab! Faloahra sinn di leit funn Kemosh, fa dei boova un mayt sinn kfanga un vekk gedrawwa.

Jeremia 48:46 Referans Kwoze

4. Mosi 21:29

Vay zu diah, oh Moab! Diah sind faddich, oh leit fumm abgott Kamos! Deah abgott hott sei boova glost vekk shpringa, un sei mayt ufgevva zumm Kaynich Sihon funn di Amoriddah.

Jeremia 48:13

No zayld Moab sich shemma veyyich iahra abgott Kemosh, so vi's haus funn Israel sich kshemd hott vo see iahra fadrauwa in Beth-El gedu hott.

Jeremia 48:7

Veil du dich falosht uf dei verka un geld, zaylsht du aw kfanga vadda; un dei abgott Kemosh vatt vekk gnumma, un aw sei preeshtah un feddahshti.

1. Kaynicha 11:7

Uf en hivvel east funn Jerusalem hott da Solomon en hohchah blatz gebaut fa da Kemosh, da grausam gott funn di Moabiddah, un fa da Moloch, da grausam gott funn di Ammoniddah.

Richtah 11:24

Nemsht du nett sell vass dei gott, da Kamos, diah gebt? So, vass da Hah unsah Gott uns gevvah hott, sell zayla miah halda.

2. Kaynicha 23:13

Da kaynich hott aw di hohcha-bletz unrein gmacht es da Kaynich Solomon gebaut katt hott east funn Jerusalem un sauda fumm hivvel es Fadauves kaysa hott. Da Solomon, da kaynich funn Israel, hott dee bletz gmacht katt fa di grausam abgott-fraw Astharoth funn Sidon, da grausam gott Kamos funn Moab un da grausam gott Milkom funn di leit funn Ammon.

Jesoiya 16:2

Vi glenni fekkel ausnannah gayn es aus em nesht kshohva sinn, so sinn di veibsleit funn Moab am zrikk un faddi gay, am blatz vo ma ivvah da Arnon Revvah gayt.