Jeremia 46:22 - Pennsylvania Dutch Bible

²² Egypta macht en yacht vi en shlang am fatt shleicha; iahra feinda kumma geyyich si mitt grohsi graft. Si kumma geyyich si mitt ex, vi mennah es baym nunnah hakka.

Jeremia 46:22 Referans Kwoze

Jesoiya 29:4

Du zaylsht niddah gebrocht sei, un zaylsht ruff aus di eaht shvetza. Du leisht uf em bodda, un dei vadda kumma aus em shtawb. Dei shtimm kumd ruff aus em grund vi funn en dohdah geisht. Du zaylsht pishbahra aus em shtawb.

Jesoiya 14:8

Even di cypress-baym un di cedar-baym funn Lebanon froiya sich un sawwa, “Siddah es du nunnah kshlauwa bisht, kumd da sayyah nimmi fa uns nunnah hakka.”

Sacharia 11:2

Heilet, diah cypress-baym, fa di cedar-baym sinn kfalla; di hallicha baym sinn fadauva! Heilet diah aycha-baym funn Basan; da dikk bush is nunnah kakt vadda!

Micha 7:16

Di heida zayla dess sayna un sich shemma; si zayla kenn macht havva. Si zayla iahra hend ivvah iahra maul du un iahra oahra vadda dawb.

Micha 1:8

Ivvah dess muss ich brilla un heila; ich muss boah-feesich un nakkich rumm heah gay. Ich muss yohla vi en vildah hund, un veina vi en owl.

Jesoiya 37:24

Deich dei gnechta iahra vadda hosht du da Hah faniddaht. Du hosht ksawt, ‘Mitt mei feel greeks-veyya binn ich nuff uf di berga ganga, nuff uf di berga funn Lebanon. Ich habb di haychshta cedar-baym umkakt, di beshta pine-baym. Ich binn nuff uf di haychshta bletz ganga, vo di beshta busha voahra.

Jesoiya 10:15

Macht di ax sich graysah es sellah vo hakt mitt, adda dutt di sayk sich ufbraekka zu sellah es si yoost? Dess voah es vi en shtekka da mann shlauwa dayt es een drawkt, adda es vi da shtekka da mann drawwa dayt.

Joshua 9:21

Di foah-gengah henn veidah ksawt, “Losset si layva, avvah si sella hols-hakkah un vassah-drawwah vadda fa awl di leit.” So henn di foah-gengah iahra fashprechnis kalda zu eena.

Psalm 74:5

Si henn sich ohkshikt vi mennah mitt ex am baym nunnah hakka im bush.

Jeremia 46:21

Di greeks-leit unnich iahra es sich fadunga henn sinn vi feddi kelvah. Si zayla aw rumm drayya un mitt-nannah difunn shpringa, si zayla iahra grund nett shtay, fa da fadauves dawk is uf si kumma, da dawk es si kshtrohft vadda sella.

Jeremia 46:23

Si hakka iahra bush nunnah,” sawkt da Hah, “even vann eah gans dikk is. Si sinn may es di hoi-shrekka un kenna nett gezayld sei.