Jeremia 41:8 - Pennsylvania Dutch Bible

⁸ Avvah zeyya funn di mennah henn ksawt zumm Ismael, “Mach uns nett doht, miah henn vaytza, geahsht, ayl un hunnich fashtekkeld in en feld.” So henn si si gay glost un henn si nett doht gmacht mitt di anra.

Jeremia 41:8 Referans Kwoze

Shpricha 13:8

En reichah mann kann sei layva aus di kfoah kawfa, avvah di oahma henn nix fa betzawla.

Hiob 2:4

Da Satan hott ksawt zumm Hah, “Haut fa haut. En mann gebt alles es eah hott fa sei ayya layva.

Matthäus 16:26

Vass dayt's en mensh goot du fa di gans veld an sich zeeya, un no sei sayl faliahra dideich? Adda vass soll en mensh fahandla fa sei sayl?

Matthäus 6:25

“Fasell sawk ich zu eich; diah sellet nett angsht havva veyyich eiyah layva, so veit es vass diah esset un drinket. Diah sellet aw nett angsht havva veyyich eiyah leib, so veit es vass diah veahret. Is nett eiyah layva may es ess-sach, un eiyah leib may es glaydah?

Jesoiya 45:3

Ich gebb diah keshtlichi sacha fumm dunkla, keshtlichi sacha in fashtekkeldi bletz, so es du vaysht es ich da Hah binn, da Gott funn Israel, deah es dich groofa hott bei deim nohma.

Jeremia 41:9

Nau da sistahn vo da Ismael di dohda mennah nei kshmissa hott mitt em Gedalia, voah da sistahn es da Kaynich Asa gmacht katt hott im greek geyyich da Baesa, da kaynich funn Israel. Da Ismael, em Nethania sei boo, hott en ufkfild mitt di dohda.