Jeremia 39:18 - Pennsylvania Dutch Bible

¹⁸ Ich hald dich aus di kfoah; du kumsht nett um deich's shvatt; avvah du kumsht vekk mitt deim layva veil du miah gedraut hosht, sawkt da Hah.’”

Jeremia 39:18 Referans Kwoze

Jeremia 38:2

“Dess is vass da Hah sawkt, ‘Veah-evvah es in di shtatt bleibt, zayld doht gmacht sei beim shvatt, bei hungahs-noht adda bei peshtelens, avvah veah-evvah es nivvah gayt zu di Chaldayah zayld am layva bleiva. Eah zayld levendich deich kumma.’

Psalm 34:22

Da Hah kawft sei gnechta iahra layva frei, un nimmand es eem draut zayld fadamd sei.

Jeremia 21:9

Veah-evvah es in di shtatt bleibt zayld doht gmacht sei beim shvatt, di hungahs-noht adda di granket. Avvah alli-ebbah zayld layva es naus gayt un sich ivvah-drayt zu di leit funn Babylon es eich eikshpatt henn.

Epheser 1:12

so es miah, vo seahsht hofning katt henn in Christus, en lohb sei sedda zu sei hallichkeit.

Psalm 84:12

Oh Almechtichah Hah, ksaykend is da mann es sich falost uf dich.

Psalm 147:11

avvah eah hott blesiah in selli es een firchta, in selli es iahra hofning in sei shtandhaftichi-leevi doon.

1. Chronik 5:20

Si henn hilf katt geyyich di Hagariddah, un di Hagariddah un awl selli es bei eena voahra, voahra ivvah-gevva in iahra hand veil si Gott ohgebayda henn diveil es si am fechta voahra. Gott hott iahra gebaydah keaht veil si eem gedraut henn.

Psalm 37:3

Du dei fadrauwa in da Hah un du goot, no kansht im land voona un brauchsht dich nett feicha.

Psalm 33:18

Di awwa fumm Hah sinn uf selli es een firchta, uf selli es iahra hofning in sei shtandhaftichi-leevi doon,

1. Petrus 1:21

Deich een glawvet diah an Gott, deah vo een uf gvekt hott funn di dohda un eem hallichkeit gevva hott, so es eiyah glawva un hofning in Gott is.

Römer 2:12

Selli vo ksindicht henn unni's Ksetz, zayla aw faloahra gay unni's Ksetz; un selli es ksindicht henn unnich em Ksetz, zayla gricht sei bei em Ksetz.

Jesoiya 26:3

Du haldsht selli in folkummanah fridda, es iahra gedanka uf diah halda, veil si sich falossa uf dich.

Psalm 2:12

Kisset da Sohn, fafiah eah vatt bays, un diah kummet um unnah-vayks, fa sei zann vatt kshvind ufkshtatt. Ksaykend sinn awl selli es eem drauwa fa hilf.

Hiob 5:20

In hungahs-noht hald eah dich fumm doht, un im greek hald eah dich fumm shvatt.

Psalm 91:7

En dausend mechta falla an dei seit, un zeyya dausend an dei rechtsi hand, avvah doch's zayld dich nett dreffa.