Jeremia 31:11 - Pennsylvania Dutch Bible

¹¹ Fa da Hah hott da Jakob frei gekawft; eah hott een frei gmacht funn selli es mechtichah sinn es eah.

Jeremia 31:11 Referans Kwoze

Titus 2:14

Eah is sellah vo sich selvaht gevva hott fa uns, so es eah uns lohs macha kann funn alli ungerechtichkeit, un so es eah en folk reinicha kann fa sich selvaht vo fleisich is fa goodi eahvet du.

Jesoiya 48:20

Falosset Babylon, shpringet funn di Chaldayah! Greishet dess naus mitt frayt un losset's vissa. Shikket's vatt naus zu's end funn di eaht, un sawwet, “Da Hah hott sei gnecht da Jakob frei-kshteld.”

Jesoiya 44:23

Singet mitt frayt, oh himla, fa da Hah hott dess gedu. Greish laut, du niddahsht dayl funn di eaht. Singet mitt frayt, diah berga un awl di baym in di busha. Fa da Hah hott da Jakob saylich gmacht, un veist's in sei hallichkeit deich Israel.

Jeremia 15:21

“Ich hald dich aus di hand funn di ungettlicha, un nemm dich aus di hand funn di gvaldicha.”

Jesoiya 49:24

Kann kshtohla sach gnumma sei funn di shteika, adda kenna kfangani frei gmacht sei funn di mechticha?

Psalm 142:6

Heich mich oh, fa ich habb en grohsi noht. Mach mich frei funn selli es mich fafolka, fa si sinn zu shteik fa mich.

Matthäus 20:28

grawt vi da Mensha Sohn nett kumma is fa abgvoaht vadda avvah fa abvoahra, un fa sei layva gevva fa feel leit frei macha.”

Matthäus 12:29

Vi kann ebbah in en shteikah mann sei haus nei gay un sei sach nemma unni es eah seahsht da mann bind? Noch sellem kann eah sei sach nemma.

Matthäus 22:29

Avvah Jesus hott eena ksawt, “Diah sind letz veil diah di Shrift nett visset, un aw nett di macht funn Gott.

Hosea 13:14

Soll ich si zrikk kawfa funn di graft fumm grawb? Soll ich si kawfa fumm doht? Oh doht, vo is dei peshtelens? Oh grawb, vo is dei shtechah? Bamhatzichkeit is fashtekkeld funn mei awwa.

Jeremia 50:33

Dess is vass da Awlmechtich Hah sawkt: “Di Kinnah-Israel sinn nunnah gedredda, un aw di kinnah funn Juda. Selli es si kfanga henn hayva si fesht, un doon's nett fa si gay lossa.

2. Mosi 15:16

Furcht un angsht fald uf si. Deich di graft funn deim oahm, zayla si so shtill sei es en shtay, biss dei leit fabei gayn, oh Hah, biss dei leit fabei gayn es du gekawft hosht.

Jesoiya 51:11

Selli es frei gmacht sinn beim Hah, kumma zrikk, si kumma zu Zion am singa; ayvichi frayt is uf iahra kebb. Si vadda froh un zayla fraylich sei, dreebsawl un heiles gayt vekk.

Jeremia 50:34

Avvah sellah es si lohs drayt is shteik, sei nohma is da Awlmechtich Hah. Eah zayld ufshtay fa iahra recht so es eah roo in iahra land bringa kann, avvah selli es in Babylon voona greeya kenn roo.

Sacharia 9:16

Da Hah iahra Gott hald si aus di kfoah uf sellem dawk, veil si di drubb funn sei aykni leit sinn. Si zayla glitzahra in seim land vi keshtlichi shtay in en krohn.

Jesoiya 49:25

Vell, dess is vass da Hah sawkt: “Yau, kfangani kenna zrikk gnumma vadda funn di mechticha, un kshtohla sach kann gnumma sei funn di shteika. Ich zayl shtreida mitt selli es shtreida mitt diah, un ich mach dei kinnah frei.

Glawk-Leedah 3:58

Du hosht kshvetzt fa mich un mei sayl, oh Hah, du hosht miah mei layva zrikk gevva.