Jeremia 18:20 - Pennsylvania Dutch Bible

²⁰ Sett goodes zrikk betzawld sei mitt evil? Doch henn si en loch gegrawva es ich nei falla soll. Denk droh es ich fannich diah kshtanna habb un habb kshvetzt fa si, so es du dei zann vekk draysht funn eena.

Jeremia 18:20 Referans Kwoze

Psalm 57:6

Si henn iahra net ksetzt fa mei shritt fanga, un mei sayl is niddah gebikt. Si henn en loch gegrawva in mei pawt, avvah si selvaht sinn nei kfalla. (Sela)

Psalm 35:7

Fa unni uahsach henn si iahra net ksetzt fa mich; unni uahsach henn si en loch gegrawva fa mich fanga.

Psalm 106:23

Vo Gott ksawt hott eah zayld si umbringa, hott da Mosi, em Gott sei raus-groofanah, sich zvishich si un Gott kshteld, un hott Gott sei zann kalda funn si umbringa.

Psalm 35:12

Si betzawla mich mitt evil fa goot, si lossa mei sayl in dreebsawl.

Jeremia 18:22

Loss si fagelshtaht naus greisha funn iahra heisah, vann du bletzlich greeks-gnechta uf si bringsht; fa si henn en loch gegrawva es ich nei falla soll, un henn falla kshteld fa mei fees.

Breddichah 10:8

Veah-evvah es en loch grawbt mecht nei falla; veah-evvah es deich en vand brecht mecht gebissa vadda bei en shlang.

Shpricha 26:27

Vann en mann en loch grawbt, dann fald eah selvaht nei; vann en mann en shtay rold, dann rold eah zrikk uf een.

Psalm 119:95

Di gottlohsa sinn am voahra fa mich umbringa, avvah ich hald mich uf mitt dei zeiknisa.

Johannes 15:25

Dess is fa's Vatt folfilla vo kshrivva is in iahrem Ksetz, ‘Si henn mich kast unni uahsach.’

Johannes 10:32

Jesus hott eena ksawt, “Ich habb eich feel goodi verka gvissa funn meim Faddah. Fa vels funn dee vellet diah mich shtaynicha?”

Jeremia 14:20

Oh Hah, miah bekenna unsah gottlohs layva, un di sinda funn unsah feddah; miah henn ksindicht geyyich dich.

Jeremia 11:14

Fasell, du nett bayda fa dee leit, Jeremia, un du mich nett bidda fa si, veil ich si nett ohheicha zayl vann si mich ohroofa in di zeit funn iahra druvvel.”

Jeremia 7:16

Avvah du solsht nett bayda fa dee leit. Roof mich nett oh fa si, un hald nett oh an miah, fa ich zayl dich nett abheicha.

Shpricha 17:13

Vann en mensh evil fa goodes zrikk betzawld, dann zayld evil sei haus nee nett falossa.

Psalm 38:20

Selli is mei goodes zrikk betzawla mitt evil, sinn geyyich mich veil ich goodes nohch gay.

Psalm 7:15

Eah macht en loch un grawbt's aus fa anri, un fald selvaht in's loch es eah gmacht hott.

Hiob 6:27

Diah daydet even shteklen zeeya im lohs fa kinnah greeya unni en daett, un daydet eiyah freind vekk fahandla.

1. Samuel 19:4

Da Jonathan hott no goot kshvetzt veyyich em Dawfit zu seim daett da Saul. Eah hott ksawt, “Loss da kaynich nix letzes du zu seim gnecht da Dawfit; eah hott nix letzes gedu zu diah, un vass eah gedu hott, hott diah oahrich kolfa.

Jeremia 5:26

“Gottlohsi mennah sinn unnich mei leit; si fashtekla sich un voahra vi mennah es fekkel fanga, un setza iahra nets fa mennah fanga.

Jeremia 15:1

No hott da Hah ksawt zu miah, “Even vann da Mosi un da Samuel fannich miah shtay dayda, doch dayt mei hatz nett zu dee leit drayya. Dreib si vekk funn miah! Loss si gay!

Jeremia 18:19

So habb ich gebayda, “Heich mich ab, oh Hah; heich moll vass selli sawwa es geyyich mich sinn!

Jeremia 27:18

Vann si brofayda sinn un's vatt fumm Hah henn, loss si da Awlmechtich Hah ohbayda es di ivvahricha ksharra im Hah sei haus, im kaynich-haus funn Juda un in Jerusalem nett vekk gnumma vadda zu Babylon.

Glawk-Leedah 3:59

Oh Hah, du hosht ksenna vi si miah letz gedu henn; helf miah mei recht greeya.

Jeremia 17:18

Loss selli sich shemma es mich fafolka, avvah hald mich fumm shohm. Loss si fagelshtaht sei, avvah loss mich nett angsht havva. Bring da dawk funn druvvel uf si, shtrohf si zvay mohl mitt fadeahvung.