Jeremia 13:23 - Pennsylvania Dutch Bible

²³ Kann en mann sei haut en anrah kollah macha, adda en leopard sei blakka abnemma? Grawt so kansht du nett goot du veil du gegvaynd bisht fa letz du.

Jeremia 13:23 Referans Kwoze

Jeremia 2:22

Even vann du dich vesht mitt lawk, un yoosht feel sayf, da blakka funn dei shuld is alsnoch fannich miah.” So sawkt da Awlmechtich Hah.

Jeremia 9:5

Alli-ebbah fafiaht sei nochbah, un sawkt di voahret nett; si henn iahra zunga gland leeya sawwa, si macha sich meet am sindicha.

Jeremia 17:9

Es hatz is fafiahrich ovvich alles shunsht un oahrich veesht. Veah kann's fashtay?

Jeremia 5:3

Oh Hah, sinn nett dei awwa am gukka fa di voahheit? Du hosht si kshlauwa, avvah si kshpiahra's nett; du hosht si shiah ausgrivva, avvah si henn sich nett fabessaht. Si henn iahra ksichtah haddah gmacht es shtay, un henn's nett gedu fa sich bekeahra.

Jeremia 2:30

“Mei shtrohf uf eiyah kinnah voah fa nix; si henn's nett ohgnumma. Eiyah shvatt hott eiyah brofayda ufkfressa vi en rawsichah layb.

Jesoiya 1:5

Favass haldet diah oh geyyich da Hah shaffa? Vellet diah noch veidah kshtrohft sei? Eiyah gansah kobb is grank, eiyah gans hatz is matt.

Shpricha 27:22

Even vann du en unksheidah fashtambsht mitt en shtambah funn em famawld frucht, doch kansht du sei dumhayda nett aus eem nemma.

Jeremia 4:22

“Mei leit sinn dumm, si vissa nett veah ich binn. Vi kinnah, fashtayn si nix, un henn kenn eisicht. Si sinn goot am evil du, avvah si vissa nett vi fa goot du.”

1. Samuel 19:21

Da Saul voah ksawt gvest veyyich demm, no hott eah noch may mennah kshikt un si henn aw gebroffetzeit. Eah hott's dritt moll mennah kshikt un si henn aw gebroffetzeit.

2. Kaynicha 17:40

Doch henn si nett keicht, avvah henn ohkalda iahra aldi layves-vayya nohch gay.

Breddichah 1:15

Vass grumm is, kann nett grawt gmacht sei; vass nett datt is, kann nett gezayld sei.