Hosea 9:10 - Pennsylvania Dutch Bible

¹⁰ “Vo ich Israel seahsht kfunna habb, voah's vi drauva finna in di vildahnis; vo ich eiyah foah-feddah ksenna habb, voah's vi's eahsht-frucht uf em feiya-bohm sayna. Avvah no sinn si zumm Baal-Peor ganga, un henn sich ivvah-gevva zu demm shandlich abgott biss si so grausam voahra es deah es si glohbt henn.

Hosea 9:10 Referans Kwoze

Hosea 4:14

Ich zayl eiyah mayt nett shtrohfa vann si huahrahrei dreiva, un aw nett eiyah shviah-dochtahra vann si di ay brecha. Fa di mennah selvaht gayn mitt di huahra, un opfahra mitt di tempel-huahra— leit es nett fashtay doon kumma zu nix.

Jeremia 11:13

Du hosht so feel gettah es du shtett hosht, oh Juda, un di awldahra es du ufksetzt hosht fa opfahra zu sellem shandlicha abgott Baal sinn so feel es di shtrohsa in Jerusalem.’

Micha 7:1

Vay zu miah! Es gayt mitt miah vi aynah es di drauva ab-shneida vill; es sinn kenn drauva ivvahrich zu essa, un aw kenn zeidichi feiya, selli es ich gleich.

Hosea 2:15

Ich gebb iahra vei-goahra zrikk zu iahra, un mach di Valley funn Achor en doah funn hofning. See zayld singa vi in iahra yungi dawwa, so vi im dawk es see ruff aus Egypta kumma is.

Ezekiel 20:8

Avvah si henn sich geyyich mich kshteld un mich nett abkeicht; si sinn nett lohs vadda funn di grausama gleichnisa fannich iahra awwa, un henn aw nett di abgettah funn Egypta falossa. No habb ich ausgmacht fa mei haysi gloot ausleahra uf si, un mei zann sich ausfiahra lossa geyyich si datt in Egypta.

Amos 4:5

Bringet ksavvaht broht fa en dank-opfah un braekket veyyich eiyah frei-villichi opfahra, losset alli-ebbah vissa diveyya, diah Israeliddah, dess is vass diah gleichet du.” So sawkt Gott da Hah.

Hosea 11:1

“Vo Israel noch en kind voah habb ich een leeb katt, un habb een, mei sohn, aus Egypta groofa.

Jeremia 31:2

Dess is vass da Hah sawkt: “Di leit es nett umkumma sinn beim shvatt, henn gnawt kfunna in di vildahnis, vo Israel roo ksucht hott.”

Jeremia 5:31

Di brofayda broffetzeiya leeya, di preeshtah roola vi si vella un mei leit gleicha's vi sell. Avvah vass zaylet diah du vann dess moll awl end?”

Jesoiya 28:4

Selli hallich blumm es am favelka is, selli es am evvahsht end funn en fruchtboahri valley hokt, zayld sei vi en freeyi frucht es zeidich is eb zeit, un ebbah saynd si, nemd si in di hand un est si kshvind.

Psalm 81:12

So habb ich si ivvah-gevva zu iahra dikk-kebbichi hatza, un si glost iahra ayknah roht nohch gay.

1. Kaynicha 16:31

Es voah nett genunk zu eem fa di sinda du es da Jerobeam, em Nebat sei boo, gedu hott, avvah eah is aw ganga un hott di Jesebel keiyaht. See voah em Ethbaal sei maydel, un eah voah da kaynich funn Sidon. No hott da Ahab ohkfanga da Baal deena un hott een ohgebayda.

Richtah 6:32

Sellah dawk henn si da Gideon Jerubbaal kaysa. Sell maynd, “Loss da Baal fechta geyyich een.” See henn een so kaysa veil da Gideon em Baal sei awldah nunnah grissa hott.

5. Mosi 32:17

Si henn gopfaht zu baysi geishtah, es nett Gott voahra, gettah es si nett gekend henn, gettah es iahra feddah nett kfircht henn.

5. Mosi 32:10

Eah hott een kfunna draus im drukka land, draus in di veesht vildahnis; eah hott een umgringd kalda, un hott acht gevva uf een, grawt es vi da abbel funn seim awk.

5. Mosi 4:3

Diah hend ksenna mitt eiyah aykni awwa vass da Hah gedu hott an Baal-Peor. Da Hah eiyah Gott hott alli-ebbah unnich eich umgebrocht es da Baal gedeend hott an Peor,

4. Mosi 15:39

Vann diah an dee fransla gukket, soll's eich droh denka macha an awl di gebodda fumm Hah, so es diah si doond, un nett eiyah aykni hatza un awwa nohch gaynd un lushtet noch abgettah.

Römer 6:21

Vass hott's eich gebatt fa selli sacha du es diah nau eich shemmet diveyya? Fa's end funn selli sacha is da doht.

Psalm 115:8

Selli es dee abgettah macha, zayla vadda vi si, un aw awl selli es sich falossa uf si.

Jeremia 3:24

Funn yungem uf henn di shandlicha gettah di frucht funn unsah feddah iahra eahvet ufkfressa— iahra shohf un kee, un iahra boova un mayt.

Jeremia 24:2

Ayns funn di keahb hott shayni feiya drinn katt, so vi selli es seahsht zeidich vadda. Da annah koahb hott shlechti feiya drinn katt, zu shlecht fa essa.

Hosea 4:18

Even vann si moll aus drinkes sinn, dann halda si oh huahrahrei dreiva; iahra evvahshti henn blesiah in shanda ausdrawwa.

4. Mosi 18:13

Awl's eahsht-frucht fumm gansa land es si zumm Hah bringa is eiyah. Alli-ebbah es rein is in eiyah heisah dauf dess essa.

2. Kaynicha 17:11

Si henn insens gebrend in alli hohchah blatz grawt vi di heida gedu henn es da Hah ausgedrivva katt hott fannich eena. Si henn ungettlichi sacha gedu es da Hah zumm zann gedrivva hott.

Hohches Leet 3:6

Veah is dess es am ruff kumma is funn di vildahnis es shtawb macht vi shmohk am in di hay gay, mitt goot-shmakkich myrrhe un insens es gmacht is funn di fakawfah iahra shpeis?

Jeremia 3:25

Miah sedda uns anna layya in unsah shohm, un dess shandlich ding uns zu dekka lossa. Miah henn ksindicht geyyich da Hah unsah Gott, miah un unsah foah-feddah, funn yungem uf biss heit; miah henn em Hah unsah Gott nett keicht.”

Hosea 13:5

Ich habb acht gevva uf eich in di vildahnis, im drukka un dashtich land.