Hosea 6:2 - Pennsylvania Dutch Bible

² Noch zvay dawk macht eah uns levendich, un uf em dridda dawk viddah uf shtay, so es miah fannich eem layva kenna.

Hosea 6:2 Referans Kwoze

2. Kaynicha 20:5

“Gay un sawk em Hiskia, da foah-gengah funn mei leit, ‘Dess is vass da Hah, da Gott funn deim faddah da Dawfit sawkt: Ich habb dei gebayt keaht un habb dei awwa-vassah ksenna; ich zayl dich hayla. Uf em dridda dawk funn nau zaylsht du nuff an da tempel fumm Hah gay.

1. Korinther 15:4

un es eah fagrawva voah, un da dritt dawk is viddah uf kshtanna, grawt vi's sawkt in di Shrift;

Jesoiya 26:19

Di dohda funn unsah leit zayla viddah layva, iahra leivah shtayn viddah uf. Vekket uf un singet mitt frayt, diah es unnich em shtawb leiyet. Dei dau is vi da meiya-dau uf di eaht, un di eaht bringd awl iahra dohdi raus.

Johannes 14:19

Noch en katzi zeit, no saynd di veld mich nimmi. Avvah diah saynet mich; veil ich layb, dann zaylet diah aw layva.

Hosea 13:14

Soll ich si zrikk kawfa funn di graft fumm grawb? Soll ich si kawfa fumm doht? Oh doht, vo is dei peshtelens? Oh grawb, vo is dei shtechah? Bamhatzichkeit is fashtekkeld funn mei awwa.

1. Mosi 17:18

No hott da Abraham ksawt zu Gott, “Oh, ich vott da Ismael kend layva unnich dei sayya!”

Römer 14:8

Fa vann miah layva, dann layva miah fa da Hah, un vann miah shtauva, dann shtauva miah fa da Hah. So eb miah layva adda shtauva, miah heahra zumm Hah.

Psalm 61:7

so es eah immah roold fannich Gott; vatsh ivvah een mitt dei grohsi leevi un voahheit.

Psalm 71:20

Du hosht mich glost feel druvvel un angsht sayna, avvah du machsht mich viddah levendich, un bringsht mich viddah ruff aus em deefa funn di eaht.

Breddichah 3:3

En zeit fa doht macha, un en zeit fa hayla; en zeit fa nunnah reisa, un en zeit fa ufbauwa.

Jesoiya 30:26

Da moon zayld sheina vi di sunn, un's licht funn di sunn zayld sivva mohl hellah sei, so es vann's licht funn sivva dawk alles zammah kumma dayt in ay dawk. Dess nemd blatz vann da Hah di vayya blakka uf bind un di soahs hayld funn sei leit es eah uf si gedu hott.

Hosea 7:2

Avvah si denka nett droh es ich awl iahra ungettlichkeit meinda zayl. Iahra sinda sinn gans um si rumm, un si sinn immah fannich miah.