Hohches Leet 7:5 - Pennsylvania Dutch Bible

⁵ Dei kobb uf diah is vi da Berg Karmel. Dei sheinichi hoah henka nunnah, un sinn so shay es es en kaynich fanga dayt.

Hohches Leet 7:5 Referans Kwoze

Jesoiya 35:2

Mitt blumma zayld's land vundahboah bleeya, un mitt grohsi frayt zayld's singa. Di hallichkeit funn Lebanon vatt zumm land gevva, un da glitz funn Karmel un Sharon; leit zayla em Hah sei hallichkeit sayna, un di mechtich graft funn Gott.

Hohches Leet 4:1

Du bisht so shay, mei beleebdi, so vundahboah shay! Dei awwa sinn vi dauva awwa zvishich dei hoah-zebba. Dei hoah sinn vi en drubb gays am nunnah gay fumm Berg Gilead.

Di Offenbarung 1:14

Sei kobb un sei hoah voahra veis vi vull, so veis es shnay, un sei awwa voahra vi en flamm funn feiyah.

Kolosser 2:19

un bei nett ohhayva zumm kobb vo's gans ivvahrich fumm leib feedaht un zammah haybt mitt gnocha un flexa, un vaxt vi Gott's vaxa macht.

Kolosser 1:18

Eah is da kobb fumm leib, un sell leib is di gmay. Eah is da ohfang, da eahsht-geboahra funn di dohda, so es eah da foah-gang hott in alli ding.

Epheser 1:22

Eah hott alli sacha unnich sei fees gedu, un hott een da kobb gmacht ivvah alli sacha fa di gmay,

Matthäus 28:20

Un lannet si fa alles halda es ich eich gebodda habb. Un meindet dess, ich binn immah bei eich, even biss an's end funn di veld.”

Matthäus 18:20

Fa vo zvay adda drei zammah kumma in meim nohma, datt binn ich bei eena.”

Micha 7:14

Du avvah, heet dei leit mitt deim shtokk, dee drubb shohf funn dei eahbshaft, dee es bei sich selvaht sinn im bush, un in di fruchtboahra feldah. Loss si vayda in Basan un in Gilead, so vi in di dawwa lang zrikk.

Hohches Leet 5:11

Sei kobb is vi fei gold; sei hoah is mitt curls un so shvatz es en grabb.

Hohches Leet 1:17

Di balka funn unsah haus sinn cedar-baym, un di cypress-baym di ceiling.

Psalm 87:2

Da Hah hott di doahra funn Zion oahrich leeb, may es awl di voon-bletz fumm Jakob.

Psalm 68:24

Alli-ebbah saynd dich lawfa vann du gaysht vi en kaynich, oh Gott, si sayna mei Gott un Kaynich in da tempel nei gay.

1. Mosi 32:26

No hott da mann ksawt, “Loss mich gay, 'sis nau shund dawk.” Avvah da Jakob hott ksawt, “Ich loss dich nett gay biss du mich saykendsht.”

Shpricha 5:19

Si is leeblich un shay vi en hash, loss iahra leevi dich gans zufridda macha, loss iahra leevi dich fanga un dich hayva.

4. Mosi 21:26

Hesbon voah em Amoriddah Kaynich Sihon sei shtatt es eah gnumma katt hott funn en eahshtah kaynich funn Moab. Eah hott sei land gnumma katt so veit es da Arnon Revvah.

Hohches Leet 4:4

Dei hals is vi da tavvah fumm Dawfit es ufglaykt is mitt shtay. En dausend shields henka druff, shields funn shteiki greeks-gnechta.