Hohches Leet 7:10 - Pennsylvania Dutch Bible

¹⁰ Ich heah zu meim beleebdah, un sei falanga is fa mich.

Hohches Leet 7:10 Referans Kwoze

Psalm 45:11

Da kaynich zayld en falanga havva fa dich veil du so shay bisht, eah is dei meishtah, bikk dich zu eem.

Hohches Leet 6:3

Ich binn mei beleebdah seini un mei beleebdah is mei; eah vayt sei shohf unnich di lilya-blumma.

Hohches Leet 2:16

Mei beleebdah is mei un ich binn sei, eah vayt sei shohf unnich di lilya-blumma.

Galater 2:20

Ich voah gegreitzicht mitt Christus, avvah ich layb alsnoch. Doch, es is nett mich, avvah Christus vo in miah laybt. Un's layva vass ich nau layb in meim flaysh, layb ich im glawva fumm Sohn Gottes, deah es mich gleebt hott un sich selvaht gevva hott fa mich.

Johannes 17:24

Faddah, du hosht si zu miah gevva, un ich hett geahn es si bei miah sinn vo ich binn, so es si mei hallichkeit sayna kenna, di hallichkeit vo du miah gevva hosht. Fa du hosht mich gleebt eb di veld gmacht voah.

Psalm 147:11

avvah eah hott blesiah in selli es een firchta, in selli es iahra hofning in sei shtandhaftichi-leevi doon.

Hiob 14:15

Du zaylsht roofa un ich gebb diah andvat, un en falanga havva fa sell es dei hend gmacht henn.

Di Apostelgeschichte 27:23

Letsht nacht hott en engel bei miah kshtanna. Eah is kumma funn Gott vo mich aykend, un deah vo ich deena du.

Hohches Leet 7:11

Kumm, mei beleebdah, vella naus in di feldah gay, un ivvah-nacht in di shtedlen bleiva.

Ezekiel 24:16

“Mensha-kind, mitt aym shtraych zayl ich selli es di frayt funn dei awwa is vekk nemma funn diah. Avvah du solsht nett glawwa, adda heila un awwa-vassah havva.