Hohches Leet 5:3 - Pennsylvania Dutch Bible

³ Ich habb mei glaydah shund ausgedu, favass sett ich si viddah ohdu? Ich habb mei fees shund gvesha, favass sett ich si viddah drekkich macha?

Hohches Leet 5:3 Referans Kwoze

Lukas 11:7

un da freind gebt andvat funn drinn raus un sawkt, ‘Baddah mich nett; di deah is nau kshlossa, un mei kinnah sinn do im bett mitt miah; ich kann nett uf shtay un diah ebbes gevva’?

Matthäus 25:5

Un veil da hochtzeidah lang nett kumma is, sinn si awl eikshlohfa.

Shpricha 22:13

En faulah mensh sawkt, “'Sis en layb draus; ich mecht doht gmacht vadda in di shtrohsa.”

Shpricha 13:4

En faulah mann vill sach havva un eah grikt nix, avvah di fleisicha greeya vass si vella.

Shpricha 3:28

Sawk nett zu deim nochbah, “Gay haym un kumm viddah zrikk meiya,” vann du's nau hosht fa gevva.

1. Mosi 19:2

Eah hott ksawt, “Leevi mennah, heichet moll, drayyet doch un kummet zu eiyah gnecht sei haus. Bleivet ivvah-nacht un losset eiyah fees gvesha sei. No meiya-free kennet diah free uf shtay un on gay.” Avvah si henn ksawt, “Nay, miah bleiva ivvah-nacht uf di shtrohs.”