Hohches Leet 5:13 - Pennsylvania Dutch Bible

¹³ Sei bakka sinn vi blumma-goahra mitt balsam es goodah kshmakk ab gay lost. Sei leftz sinn vi lilya-blumma es nass sinn mitt myrrhe.

Hohches Leet 5:13 Referans Kwoze

Hohches Leet 1:10

Dei bakka sinn shay, gedekt mitt keshtlichi kedda, un dei hals mitt shnuahra funn pearls.

Hohches Leet 6:2

Mei beleebdah is nunnah an sei goahra ganga, zu di blumma-goahra funn balsam fa sei shohf vayda im goahra un fa lilya-blumma geddahra.

Hohches Leet 2:1

Ich binn vi en rose blumm funn Sharon, vi en lilya-blumm es bleet im deich.

Di Offenbarung 21:23

Di shtatt hott kenn sunn gebraucht adda moon fa uf see sheina, fa di hallichkeit funn Gott hott see uf glicht, un's Lamm voah iahra licht.

Lukas 4:22

Si henn awl goot kshvetzt veyyich eem, un henn gvunnaht veyyich di goodi vadda es eah ksawt hott; un si henn ksawt, “Is dess nett em Joseph sei boo?”

Jesoiya 50:6

Ich habb mei bukkel zu selli gedrayt es mich fashlauwa henn, un mei bakka zu selli es mei boaht grobt henn. Ich habb mei ksicht nett vekk gedrayt funn selli es mich fashpott un fashpautzt henn.

Hohches Leet 5:5

Ich binn ufkshtanna fa uf macha fa mei beleebdah, mei hend henn gedrobst mitt myrrhe, mei fingah voahra nass mitt myrrhe, vi ich di deah uf gmacht habb.

Hohches Leet 4:11

Dei leftz sinn sees vi hunnich, mei hochtzich-maydel, millich un hunnich sinn unnich dei zung. Da goot kshmakk funn dei glaydah is vi da kshmakk funn Lebanon.

Hohches Leet 3:6

Veah is dess es am ruff kumma is funn di vildahnis es shtawb macht vi shmohk am in di hay gay, mitt goot-shmakkich myrrhe un insens es gmacht is funn di fakawfah iahra shpeis?

Psalm 89:15

Ksaykend sind di leit es singa kenna zu diah, si lawfa in di helling funn deim ksicht, oh Hah.

Psalm 45:2

Du bisht da shensht unnich di mensha-kinnah; dei leftz sinn ksalbt mitt gnawt, un Gott hott dich ksaykend fa'immah.

Psalm 27:4

Ay ding habb ich kfrohkt fumm Hah, sell zayl ich nohch gay: so es ich im Hah sei haus bleiva kann mei layva lang, fa sayna vi shay es da Hah is, un fa een sucha in seim tempel.

Jesoiya 50:4

Gott da Hah hott miah di zung gevva funn selli es gland sinn, fa vissa vels vatt es selli helft es matt sinn. Eah vekt mich uf alli meiya, eah vekt mei oah uf fa heahra vi aynah es am lanna is.

Psalm 45:3

Shnall dei shvatt an dei seit, du Mechtichah, un glayt dich in kaynichi hallichkeit.

Hohches Leet 1:16

Du bisht so shay, mei beleebdah, un so blesiahlich! Do vo miah leiya is alles gree.