Hiob 8:10 - Pennsylvania Dutch Bible

¹⁰ Si kenna dich lanna un diah sawwa; iahra vadda sinn sacha es si gland henn.

Hiob 8:10 Referans Kwoze

Shpricha 18:15

Di shmeaht meind grikt noch may lanning, un's oah mitt veisheit sucht eisicht.

Hebräer 12:1

Nau siddah es miah so en grohsi volk funn zeiya um uns rumm henn, vella alles ablayya es uns zrikk haybt un di sind es so kshvind ivvah-nemd, un vella ohhalda mitt geduld in demm lawf vo fannich uns gedu is.

Hebräer 11:4

Deich da glawva hott da Abel en bessahrah opfah gmacht zu Gott es da Koin. Deich da glawva hott eah en zeiknis grikt es eah gerecht voah, vo Gott goot kshvetzt hott veyyich sei kshenkah. Un deich sei glawva dutt eah alsnoch shvetza, even noch seim doht.

Matthäus 12:35

En goodah mensh bringd goodi sacha aus di keshtlicha sacha es in seim hatz sinn. Un en mensh es evil is, bringd evili sacha aus di shlechta sacha es in seim hatz sinn.

Shpricha 16:23

Es hatz funn en mann mitt veisheit veist sich in seim kshvetz, un vass eah sawkt macht leit eisayna mitt eem.

Psalm 145:4

Vass du gedu hosht vatt gepreist funn ay nohch-kummashaft zu di neksht; si fazayla veyyich dei mechtichi verka.

Hiob 32:7

Ich habb gmaynd di eldra sedda shvetza, diah es hohch sind in yoahra seddet veisheit veisa.

5. Mosi 11:19

Diah sellet si zu eiyah kinnah lanna, un sellet shvetza veyyich si vann diah in eiyah haus hokket, vann diah am vayk nohch lawfet, vann diah eich anna layyet un vann diah uf shtaynd.

5. Mosi 6:7

Diah sellet si goot lanna zu eiyah kinnah, un sellet shvetza veyyich si vann diah in eiyah haus hokket, vann diah uf em vayk lawfet, vann diah eich anna layyet un vann diah uf shtaynd.

Hiob 8:9

fa miah voahra yusht geshtah geboahra un vissa nix, unsah dawwa uf di eaht sinn yusht en shadda.

Hiob 8:11

Kenna vassah-shtengel vaxa vo's nett nass is? Kenna di bull-rosha vaxa unni vassah?