Hiob 5:7 - Pennsylvania Dutch Bible

⁷ Doch en mann is geboahra fa druvvel, so shuah es di funka nuff-zuss fleeya.

Hiob 5:7 Referans Kwoze

Hiob 14:1

“Da mensh es geboahra is funn en veibsmensh laybt en katzi zeit un is foll unroo.

1. Korinther 10:13

Es is kenn fasuchung ivvah eich kumma es noch nett kumma is zumm mensh. Avvah Gott is shtandhaftich, un lost nimmand so hatt fasucht vadda es eah nett ufshtay kann digeyya. Avvah an di zeit funn di fasuchung gebt eah eich en vayk fa raus, so es diah ufshtay kennet digeyya.

Breddichah 2:22

So vass grikt en mann fa awl sei eahvet un ohhaldes es eah dutt un shaft unnich di sunn?

Breddichah 1:8

Alli-ebbes macht em falayt un meet, nimmand kann faddich vadda alles sawwa. Es awk kann nee nett faddich vadda alles sayna, un's oah kann nett faddich vadda alles heahra.

Hiob 7:1

“Muss nett da mensh hatt shaffa uf di eaht: sinn nett sei dawwa vi di dawwa funn en gnecht?

Breddichah 2:23

Awl sei dawwa sinn foll shmatza, un sei eahvet is foll dreebsawl. Even nachts kann sei meind nett roowa. Dess is aw unni mayning.

Jeremia 20:18

Favass binn ich selayva aus mei maemm iahra muddahs-leib kumma? Voah's yusht fa druvvel un dreebsawl sayna, un mei dawwa enda lossa in shohm?

Psalm 90:10

Di leng funn unsah dawwa sinn sivvatzich yoah, adda achtzich, vann miah shteik sinn; avvah di besht funna bringa yusht eahvet un druvvel, si sinn glei ivvah un miah sinn nimmi do.