Hiob 42:16 - Pennsylvania Dutch Bible

¹⁶ Noch demm hott da Hiob nochamohl en hunnaht un fatzich yoah glaybt. Eah hott sei kinnah un kinds-kinnah ksenna biss in's fiaht gleet.

Hiob 42:16 Referans Kwoze

Shpricha 17:6

Kinds-kinnah sinn da krohn funn aldi leit, un di eah funn di kinnah is iahra eldra.

Psalm 128:6

un du zaylsht layva fa dei kinnah iahra kinnah sayna. Fridda sei uf Israel!

1. Mosi 50:23

In sei layves-zeit hott da Ephraim kinnah un kinds-kinnah katt, un em Machir, em Manasse sei boo sei kinnah voahra uf em Joseph sei shohs gedu vo si geboahra voahra.

1. Mosi 50:26

So an en hunnaht un zeyya yoah ald is da Joseph kshtauva. Un vo si een ksalbt katt henn, henn si een in en lawt gedu in Egypta.

1. Mosi 47:28

Da Jakob hott sivvatzay yoah im land funn Egypta gvoond, un's gans leng funn seim layva voah en hunnaht un sivvana fatzich yoah.

1. Mosi 25:7

Alles zammah hott da Abraham en hunnaht un fimf un sivvatzich yoah glaybt.

Joshua 24:29

Un's is zu ganga es noch dee sacha is da Joshua, da sohn fumm Nun un da gnecht fumm Hah, kshtauva is an di eld funn en hunnaht un zeyya yoah.

Psalm 90:10

Di leng funn unsah dawwa sinn sivvatzich yoah, adda achtzich, vann miah shteik sinn; avvah di besht funna bringa yusht eahvet un druvvel, si sinn glei ivvah un miah sinn nimmi do.

5. Mosi 34:7

Da Mosi voah en hunnaht un zvansich yoah ald vo eah kshtauva is, avvah sei awwa voahra nett shvach un aw nett sei grefta.

1. Mosi 35:28

Nau da Isaac voah en hunnaht un achtzich yoah ald.

1. Mosi 11:32

Da Tharah hott zvay hunnaht un fimf yoah glaybt, un eah is kshtauva in Haran.

Hiob 42:15

Neiyets im land voahra so shayni mayt kfunna es em Hiob sei mayt. Un iahra daett hott eena en eahbshaft gevva grawt mitt sei boova.

Hiob 42:17

Un so is da Hiob kshtauva vo eah en oahrichah aldah mann voah.