Hiob 39:27 - Pennsylvania Dutch Bible

²⁷ Haysht du da awdlah fa hohch fleeya, un sei nesht bauwa drovva in di hay?

Hiob 39:27 Referans Kwoze

Obadia 1:4

Even vann du drovva in di hay fleeksht vi en awdlah, un machsht dei nesht drovva unnich di shtanna, funn datt zayl ich dich runnah bringa,” sawkt da Hah.

Jeremia 49:16

Da angsht es du uf anri bringsht, un dei shtols hatz hott dich fafiaht, du es in di felsa-lechah voonsht drovva in di hivla. Even vann du dei nesht hohch machsht vi en awdlah, funn datt zayl ich dich runnah bringa.

2. Mosi 19:4

‘Diah selvaht henn ksenna vass ich gedu habb zu di Egyptah, un vi ich eich gedrawwa habb uf awdlah-flikkel, un habb eich zu miah selvaht gebrocht.

Hosea 8:1

“Doond's blohs-hann zu eiyah leftz! Da feind kumd ivvah's haus fumm Hah vi en awdlah, veil si mei bund gebrocha henn, un sich geyyich mei ksetz kshteld henn.

Jesoiya 40:31

Avvah selli es voahra uf da Hah, zayla frishi graft greeya. Si zayla fleeya mitt flikkel vi di awdlah; si zayla shpringa un nett meet vadda, si zayla lawfa un nett shvach vadda.

Shpricha 23:5

Vann du dei awwa uf reichheit setsht, uf aymol is es fatt, fa's grikt geviss flikkel, un fleekt noch em himmel vi en awdlah.

Psalm 103:5

Eah fild dei layva mitt goodi sacha, un du vatsht viddah yung vi en awdlah.

3. Mosi 11:13

Dess sinn di fekkel es diah nee nett essa sellet veil si grausam sinn zu eich: da awdlah, di loodah-grabb un di shvatz loodah-grabb,

Hiob 39:26

Is es deich dei veisheit es da voi fleekt, un shtrekt sei flikkel geyyich di saut?

Hiob 39:28

Eah voond drovva uf en felsa-vand, un macht sei haymet unnich di shpitzicha felsa.

Shpricha 30:19

da vayk funn en awdlah drovva in di hay, da vayk funn en shlang uf en shtay, da vayk funn en shiff uf em say, un da vayk funn en mann mitt en maydel.