Hiob 37:7 - Pennsylvania Dutch Bible

⁷ Eah shtobt di eahvet funn alli mann sei hand, so es alli-ebbah vissa kann vi eah shaft.

Hiob 37:7 Referans Kwoze

Psalm 111:2

Grohs sinn di verka fumm Hah; veah-evvah es si ivvah denkt, froit sich ivvah si.

Psalm 109:27

Loss si vissa es dess dei hand is, es du, oh Hah, dess gedu hosht.

Jesoiya 26:11

Oh Hah, dei hand is hohch ufkohva, avvah si sayna see nett. Loss si dei bekimmahnis sayna fa dei leit, un loss si sich shemma. Loss es feiyah es du haldsht fa dei feinda si fazeahra.

Jesoiya 5:12

Si shpeela grohsi un glenni harfa, mitt tambourines un peifa, diveil es si vei drinka an iahra grohsi ess-feshta; avvah si bekimmahra sich nix um vass da Hah gedu hott, un fa'achta di eahvet funn sei hend.

Breddichah 8:17

no habb ich alles ksenna es Gott gedu hott. Un ich habb ausgmacht es nimmand kann alles fashtay es ohgayt unnich di sunn. Es macht nix aus vi hatt es eah sucht difoah, da mensh kann's nett finna. Even vann ebbah mitt veisheit maynd eah vayst's, doch dutt eah's nett fashtay.

Psalm 92:4

Du machsht mich fraylich bei dei verka, oh Hah; di verka funn dei hend macha mich singa mitt frayt.

Psalm 64:9

No doon awl di mensha sich feicha un sawwa, “Dess is di eahvet funn Gott!” Un si denka drivvah vass eah gedu hott.

Psalm 46:8

Kummet un saynet di verka fumm Hah, di vundahboahri sacha es eah gedu hott uf di eaht.

Hiob 36:24

Fagess nett fa sei eahvet preisa, funn demm es leit singa diveyya.

Hiob 12:14

Vass eah nunnah reist, kann nett viddah ufgebaut sei, vann eah en mann eishtekt, kann eah nett lohs glost sei.

Hiob 9:7

Eah shvetzt zu di sunn un si sheind nett, un macht's licht funn di shtanna ausgay.

Hiob 5:12

Eah drayt zu nix selli es shlichtichi sacha du vella, un macht's so es iahra hend's nett ausdrawwa kenna.