Hiob 33:4 - Pennsylvania Dutch Bible

⁴ Da Geisht Gottes hott mich gmacht, un da ohften fumm Awlmechticha gebt miah layva.

Hiob 33:4 Referans Kwoze

Hiob 32:8

Avvah's is da geisht im mensh, un da ohften fumm Awlmechticha es em mensh fashtand gebt.

1. Mosi 2:7

No hott Gott da Hah samm shtawb fumm grund gnumma un hott en mensh gmacht. Eah hott en levendichah ohften in sei naws kshnauft, un da mensh is en levendichi sayl vadda.

Hiob 27:3

so lang es ich layva habb in miah, un da ohften funn Gott in mei naws is,

1. Korinther 15:45

So shtayt's kshrivva, “Da eahsht mann Adam is en levendichi sayl vadda;” da letsht Adam is en geisht vadda vo layva gebt.

Hiob 10:12

Du hosht miah layva gevva un voahsht bamhatzich zu miah; un hosht ivvah mei geisht gvatsht.

Psalm 33:6

Da himmel voah gmacht bei's vatt fumm Hah, un alles es drinn is bei da ohften funn seim maul.

Römer 8:2

Fa's Ksetz fumm Geisht vo levendich macht in Christus Jesus, hott mich frei gmacht fumm ksetz funn sinda un em doht.

Hiob 10:3

Kfald's diah fa mich fafolka, fa di eahvet funn dei hend nunnah drayya, diveil es du froh bisht mitt di shkeems funn di gottlohsa?

Hiob 12:10

In sei hand is di sayl funn alles es laybt, un da geisht funn awl di mensha.

Psalm 104:30

Vann du eena dei ohften gebsht, no sinn si kshaffa, un du gebsht nei layva zu di eaht.

Jesoiya 42:5

Dess is vass Gott da Hah sawkt, deah es di himla kshaffa hott, un es si auskshtrekt hott; deah es di eaht gmacht hott, un alles es aus iahra kumd; deah vo di leit ohften gebt uf di eaht, un da geisht gebt zu selli es drinn lawfa: