Hiob 31:4 - Pennsylvania Dutch Bible

⁴ Dutt eah nett mei vayya sayna, un mei shritt zayla?

Hiob 31:4 Referans Kwoze

Hiob 34:21

Sei awwa sinn uf di vayya funn mensha; eah saynd alli shritt es si macha.

2. Chronik 16:9

Di awwa fumm Hah sayna ivvahrawlich ivvah di eaht fa selli shteik macha es sich folshtendich ivvah-drayya zu eem. Du hosht en dumm ding gedu, un funn nau on zaylsht du greek havva.”

Shpricha 5:21

Fa yaydah mann sei vayya sinn uf fannich em Hah, un eah vatsht awl sei pawda.

Hiob 14:16

Nau avvah dusht du mei foos-dabba zayla, avvah mei sinda dusht du nett zayla.

Jeremia 32:19

Du gebsht roht mitt veisheit un dusht mechtichi sacha. Du saynsht alles es mensha doon, un du bezawlsht si fa vass si fadeena in iahra vayya un fa vass si doon.

Shpricha 15:3

Di awwa fumm Hah sinn ivvahrawlich, un sinn am di gooda un di evila leit vatsha.

Jeremia 16:17

Mei awwa sayna alles es si am du sinn. Nix is fashtekkeld funn miah. Iahra sinda sinn nett zu gedekt fannich mei awwa.

1. Mosi 16:13

No hott see em Hah es kshvetzt hott zu iahra deah nohma gevva, “Du Gott, saynsht mich.” Fa see hott ksawt, “Ich habb deah ksenna vo mich saynd.”

Hebräer 4:13

Nix es eah kshaffa hott is fashtekkeld funn Gott. Alles is nakkich un abgedekt fannich sei awwa, deah vo miah zu du henn mitt.

Johannes 1:48

No hott da Nathanael een kfrohkt, “Vi kensht du mich?” Jesus hott ksawt zu eem, “Ich habb dich ksenna unnich em feiya-bohm, eb da Philippus dich groofa hott.”

Psalm 44:21

dayt Gott dess nett ausfinna? Fa eah vayst alles es im hatz is.

Hiob 11:11

Eah vayst vann leit falsh sinn, un vann eah evil saynd, nemd eah nett acht difunn?

Hiob 24:23

Eah lost si layva unni furcht, un si henn roo, avvah eah hald sei awwa uf iahra vayya.

Hiob 28:24

Eah kann's end funn di eaht sayna, eah saynd alles unnich em himmel.

Hiob 31:37

Ich dayt eem sawwa veyyich alli shritt es ich gnumma habb, un vi en roolah dayt ich nuff zu eem gay.

Hiob 36:7

Eah nemd sei awwa nett ab funn di gerechta; eah hokt si uf kaynich-shteel mitt kaynicha, un gebt eena ayvichi eah.

Daniel 5:23

In blatz funn sell hosht du dich ufkokt geyyich da Hah fumm himmel. Du hosht's ksha funn seim tempel do zu diah bringa glost, un du un dei evvahshti, eiyah veivah un dei nayva-veivah henn vei raus gedrunka. Diah hend di gettah funn silvah, gold, bronze, eisa, hols un shtay gepreist, dee es nett sayna, heahra adda fashtay kenna. Du hosht Gott nett di eah gevvah, deah es dei layva un dei vayya in sei hand haybt.

Hiob 23:10

Avvah eah vayst da vayk es ich gay; vann eah mich moll broviaht hott, dann kumm ich raus vi pyuah gold.