Hiob 28:18 - Pennsylvania Dutch Bible

¹⁸ Coral un crystal is nett diveaht shvetza diveyya; veah veisheit grikt, hott may es keshtlichi pearls.

Hiob 28:18 Referans Kwoze

Shpricha 3:15

Veisheit is may veaht es deiyahri pearls, un nix es du havva vitt is so keshtlich.

Ezekiel 27:16

Syria hott kandeld mitt diah veil du so feel sach katt hosht. Si henn emerald-shtay, purpel duch, ausgnayt duch, fei linnen duch, coral un rubies kandeld fa dei sacha.

Glawk-Leedah 4:7

Unsah evvahshti voahra may rein es da shnay; si voahra veisah es millich. Iahra leib voah may rohdlich es vi say-coral, un si voahra shay vi sapphire-shtay.

Shpricha 31:10

Veah kann en goodi fraw finna? Si is may veaht es keshtlichi shtay.

Di Offenbarung 21:21

Di zvelf doahra voahra zvelf pearls, yaydah vann gmacht funn ay pearl. Di shtrohs funn di shtatt voah alles gold, vi glaws es ma deich sayna kann.

Di Offenbarung 18:12

sacha funn gold un silvah, koshtboahri shtay un pearls, fei linnen un purpel duch, seida un roht duch, alli sadda goot-shmakkich hols, alli sadda sacha gmacht funn ivory, deiyah hols, kubbah, eisa, un marbel,

Di Offenbarung 17:4

Es veibsmensh voah geglayt in purpeli un rohdi kollahs un voah ivvah-gedekt mitt gold, koshtboahri shtay un pearls. See hott en goldich kobli in iahra hand katt es foll voah mitt grauslichi sacha un drekk funn iahra huahrahrei.

1. Timotheus 2:9

Ich vill aw havva es di veibsleit sich oh doon mitt shiklichi glaydah in shohm un daymoot, nett mitt gezebdi hoah, adda gold un pearls un deiyahri rekk.

Matthäus 7:6

Gevvet nett sell vass heilich is zu di hund, un shmeiset nett eiyah keshtlichi sacha zu di sei, shunsht doon si's fadredda mitt di fees un no rumm drayya un eich fareisa.”

Shpricha 8:11

Fa di veisheit is bessah es keshtlichi pearls, un nix es ebbah havva vill is gleicha zu iahra.

Shpricha 3:13

Ksaykend is da mann es veisheit find, un aw da mann es eisicht grikt.

Shpricha 20:15

'S hott feel gold un's hott feel keshtlichi shtay, avvah leftz es shvetza mitt eisicht sinn may keshtlich.