Hiob 26:7 - Pennsylvania Dutch Bible

⁷ Eah shtrekt da himmel in di natt naus ivvah's leahra, un henkt di eaht uf nix.

Hiob 26:7 Referans Kwoze

Hiob 9:8

Eah laynich dutt di himla ausshtrekka, un drett di vella fumm say nunnah.

Jesoiya 40:22

Eah hokt ovvich em ring funn di eaht, un di leit uf di eaht sinn vi hoi-shrekka. Eah shtrekt da himmel aus vi en curtain, vi en tent es leit drinn voona.

Jesoiya 42:5

Dess is vass Gott da Hah sawkt, deah es di himla kshaffa hott, un es si auskshtrekt hott; deah es di eaht gmacht hott, un alles es aus iahra kumd; deah vo di leit ohften gebt uf di eaht, un da geisht gebt zu selli es drinn lawfa:

Psalm 24:2

Eah hott di eaht gegrund uf em deef vassah fumm say, un hott si uf di revvahra ksetzt.

Jesoiya 40:26

Hayvet eiyah awwa uf un gukket in di hay; veah hott awl dee shtanna gmacht? Eah fiaht si awl raus bei nambah, un rooft si awl bei iahra nayma. Sei macht un awlmechtichi graft is so grohs, es nett ayns funn eena fafayld gay zayld.

Hiob 38:6

Uf vass voah da fuddah ksetzt? Adda veah hott da ekk-shtay glaykt,

Psalm 89:12

Di natt un di saut hosht du kshaffa, di Berga Thabor un Hermon singa ivvah dei nohma.

Sacharia 12:1

Dess is es vatt fumm Hah veyyich Israel. Da Hah, deah es di himla auskshtrekt hott, deah es di mavvah funn di eaht gmacht hott un es da ohften in da mensh gedu hott—sellah Hah sawkt:

Psalm 89:13

Du hosht en shteikah oahm; dei hand is mechtich, dei rechtsi hand is hohch uf kohva.

Jesoiya 40:21

Doond diah nett vissa? Hend diah nett keaht? Voah's eich nett ksawt fumm ohfang? Hend diah's nett fashtanna fumm ohfang funn di veld?