Hiob 23:11 - Pennsylvania Dutch Bible

¹¹ Ich habb mei foos grawt in sei pawt kalda; ich habb sei vayk kalda un binn nett vekk gedrayt.

Hiob 23:11 Referans Kwoze

Psalm 44:18

Unsah hatza henn nett zrikk gedrayt, un unsah fees sinn nett funn dei pawt ganga.

Römer 2:7

Fa selli es geduldich ohhalda goot du, un hallichkeit un eah sucha, un en layva es nett shtaubt, zu selli gebt eah ayvich layva.

Psalm 125:5

Avvah selli es vekk drayya uf iahra grummi vayya, dutt da Hah vekk fiahra mitt di evil-shaffah. Fridda sei ivvah Israel!

Psalm 17:5

Hald mei fees uf dei pawda, so es mei fees nett shlibba.

Hiob 17:9

Avvah di gerechta halda oh iahra vayk gay, un selli mitt reini hend vadda shteikah.

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.

Zephania 1:6

selli es vekk gedrayt sinn fumm Hah, un doon een nett frohwa adda sucha.

Psalm 36:3

Di vadda funn iahra maul sinn gottlohs un falsh, si henn kenn veisheit may fa goot du.

1. Thessalonicher 2:10

Diah sind unsah zeiya, un so is Gott, vi heilich un gerecht un unshuldich es miah voahra unnich eich vo glawvich sind.

Hiob 6:10

No hett ich alsnoch deah drohsht: Ich kend mich froiya even in dee shmatza, veil ich di vadda fumm Heilicha nett falaykeld habb.

Hiob 31:7

Vann mei shritt fumm vayk gedrayt is, vann mei hatz mei awwa nohch ganga is, adda vann mei hend fadrekt vadda sinn,

Psalm 119:51

Di shtolsa doon mich veesht fashpodda, avvah ich dray nett vekk funn deim ksetz.

Hiob 10:7

Du vaysht es ich nett shuldich binn, un es nimmand mich aus dei hand nemma kann.

Psalm 44:19

Avvah du hosht uns nunnah kshlauwa un in en blatz funn vildi diahra glost, un hosht uns zu gedekt mitt deefi finshtahnis.

Shpricha 4:5

Grikk veisheit, grikk fashtand, fagess di vadda funn mei maul nett, un dray nett vekk funna.