Hiob 19:26 - Pennsylvania Dutch Bible

²⁶ Even noch demm es mei haut zu nix gebrocht is, doch in meim flaysh zayl ich Gott sayna.

Hiob 19:26 Referans Kwoze

Matthäus 5:8

Ksaykend sinn selli vo reini hatza henn. Si zayla Gott sayna.

1. Johannes 3:2

Mei leeblichi, miah sinn nau kinnah funn Gott, un vass miah sei zayla is noch nett gvissa gmacht. Avvah miah vissa vann eah sich moll veist, dann zayla miah sei vi eah is, fa miah zayla een sayna vi eah is.

Psalm 17:15

Avvah fa mich, ich in mei gerechtichkeit zayl dei ksicht sayna, un zayl zufridda sei fa dei gleichnis sayna vann ich uf vekk.

Di Offenbarung 1:7

Saynet, eah kumd mitt di volka, un alli awk zayld een sayna, un aw selli es een deich kshtocha henn. Un awl di kshlechtah funn di eaht zayla heila veyyich eem. Amen.

1. Korinther 13:12

Nau sayna miah imma shpikkel yusht en dunklah shein, avvah no sayna miah ksicht zu ksicht. Nau fashtayn ich yusht in en dayl, avvah no zayl ich folshtendich fashtay, grawt vi ich folshtendich fashtanna binn.

Psalm 16:11

Du veisht miah da vayk zumm layva; bei diah sei, macht mei frayt foll, un an dei rechtsi hand sinn blesiahra fa'immah.

Philipper 3:21

Eah zayld unsah grauslich leib fa'ennahra, so es es gmacht vatt vi sei hallich leib, deich di graft vass een glost hott alli sacha unnich sich selvaht bringa.

1. Korinther 15:53

Fa vass fafaula kann muss fa'ennaht sei zu sellem vass nett fafaula kann, un vass shtauva kann muss fa'ennaht sei zu sellem vass nimmi shtauva kann.

Psalm 16:9

Fasell froit mei hatz sich, un mei sayl is froh, even mei leib haldsht du aus di kfoah.