Hiob 15:23 - Pennsylvania Dutch Bible

²³ Eah lawft rumm am gukka fa ess-sach, un sawkt, ‘Vo is es?’ Eah vayst es di dunkelheit nayksht is.

Hiob 15:23 Referans Kwoze

Psalm 109:10

Loss sei kinnah rumm lawfa un bedla; loss si aus iahra fadauvani heisah gyawkt sei.

Psalm 59:15

Si lawfa rumm un gukka fa ess-sach, un gnarra vann si nett satt vadda.

Hiob 18:12

Sei grefta vadda vennichah mitt hungah, shreklichi sacha sinn am voahra fa een falla macha.

Hebräer 10:27

avvah miah missa uns feicha veyyich en shreklich gericht un feiyah es selli fazeahra zayld es sich geyyich Gott shtella.

Zephania 1:15

Sellah dawk zayld en dawk funn zann sei, en dawk funn dreebsawl un angsht, en dawk mitt druvvel un fadauves, en dawk mitt finshtahnis un dunkles, en dawk mitt shvatzi volka,

Amos 5:20

Zayld nett sellah dawk dunkel sei unni licht— shvatz dunkel, unni ennichi helling?

Joel 2:2

Deah dawk is dunkel un dreeb, en dawk mitt volka un nevvel. So vi di meiya-helling ivvah di hivla kumd, kumd en grohsi un mechtichi drubb vi en army, so vi's noch nee nett gvest voah, un aw nee nett viddah sei zayld.

Glawk-Leedah 5:9

Im kfoah funn unsah layva, greeya miah unsah broht, veil di shvatt draus in di vildahnis is.

Glawk-Leedah 5:6

Miah henn missa di hand naus hayva zu Egypta un Assur, so es miah genunk broht henn.

Breddichah 11:8

Es macht nix aus vi feel yoah es en mann laybt, eah soll fraylich sei in si awl. Avvah eah soll aw an di dunkla dawwa denka, fa si zayla feel sei. Alles es noch am kumma is kann nett fashtanna sei.

Hiob 18:18

Eah is fumm licht in's dunkla gedrivva, un is vekk gedrivva funn di leit in di veld.

1. Mosi 4:12

Vann du da grund shafsht, dann soll da grund nimmi sei frucht gevva zu diah. Du zaylsht unruich rumm heah gay uf di eaht un dich vekk halda funn leit.”

Hiob 15:22

Eah glawbt nett es eah zrikk kumd fumm dunkla, eah is gmeikt fa's shvatt.

Hiob 15:24

Angsht un furcht fagelshtahra een, si kumma ivvah een vi en kaynich grisht fa greek,

Hiob 15:30

Eah kumd nett vekk fumm dunkla, es flamm drikkeld sei blansa uf, un da ohften funn Gott sei maul drawkt een vekk.

Psalm 59:16

Avvah ich zayl singa veyyich dei macht, alli meiya zayl ich singa veyyich dei grohsi leevi; fa du bisht mei Feshtah-Blatz, en Roo-Blatz aus di kfoah an di zeit funn mei noht.

Shpricha 10:3

Da Hah lost di gerechta nett hungahrich gay, avvah eah hald di gottlohsa funn greeya vass si havva vella.

Shpricha 16:4

Da Hah hott en uahsach fa alles es eah dutt, even fa di gottlohsa am dawk funn fadauves.