Hiob 12:23 - Pennsylvania Dutch Bible

²³ Eah macht en folk hohch un shteik, un bringd's viddah zrikk nunnah; eah macht en folk grohs, un fiaht si no vekk.

Hiob 12:23 Referans Kwoze

Jesoiya 26:15

Du hosht dei leit feel gmacht, oh Hah; du hosht dei leit feel gmacht un hosht hallichkeit grikt. Du hosht's gans land graysah gmacht.

Jesoiya 9:3

Du hosht di leit feel gmacht, un hosht eena grohsi frayt gevva; si froiya sich fannich diah, so vi leit sich froiya an di eahn, so vi leit sich froiya vann's sach fadayld vatt es gnumma voah im greek.

Jesoiya 60:22

Es vennichsht funn eich zayld en dausend vadda, un da glensht en mechtich folk. Ich binn da Hah; an di recht zeit doon ich awl dess kshvind.”

Psalm 107:38

Eah hott si ksaykend so es si sich oahrich fameaht henn, un hott iahra fee nett glost vennichah vadda.

Sacharia 10:8

Ich lokk si un sammel si zammah, un ich zayl si frei shtella; si zayla so feel sei es si eahshtah voahra.

Jeremia 33:22

Vi di shtanna im himmel nett gezayld sei kenna, un da sand am say nett gmessa sei kann, so zayl ich mei gnecht da Dawfit, un di Lefiddah iahra nohch-kummashaft fameahra es mich deena.’”

Jeremia 30:19

Funn eena kumma dank-leedah un di yacht funn frayt un singes. Si zayla sich fameahra, un nett vennichah vadda. Ich bring eah zu eena, un si vadda nett fa'acht.

Jesoiya 51:2

Gukket zumm Abraham, eiyah faddah, un zu di Sara, dee es diah geboahra sind ditzu. Vo ich een groofa habb voah eah yusht aynah, avvah ich habb een ksaykend un een feel gmacht.

Jesoiya 27:6

In di dawwa am kumma zayld da Jakob eivatzla, Israel zayld bleeya un gree vadda, un zayld di gans veld filla mitt frucht.

2. Mosi 1:20

So voah Gott goot zu di mitt-veivah, un di leit henn sich fameaht un sinn feel vadda.

2. Mosi 1:7

Avvah iahra nohch-kummashaft, di Israeliddah, voahra fruchtboah un henn sich oahrich fameaht biss si en grohs folk voahra, so grohs es es land foll voah mitt eena.

Di Apostelgeschichte 17:26

Eah hott funn ay bloot awl di sadda leit un kshlechtah gmacht es uf di gans eaht voona. Eah hott di zeida ksetzt, un hott foah-ksetzt grawt vo si voona sella,

Psalm 107:39

Avvah di leit sinn no viddah vennichah vadda, un sinn niddah gebrocht vadda deich aylend, druvvel un dreebsawl;