Hiob 12:17 - Pennsylvania Dutch Bible

¹⁷ Eah fiaht di roht-gevvah vekk un nemd iahra veisheit; eah macht di richtah es si unni fashtand sinn.

Hiob 12:17 Referans Kwoze

Jesoiya 29:14

Fasell zayl ich dee leit nochamohl fashtauna, mitt vundah noch vundah. Selli mitt veisheit zayla iahra veisheit faliahra, un da fashtand funn selli mitt goodah fashtand zayld fagay.”

2. Samuel 17:23

Vo da Ahithophel ksenna hott es sei roht nett ausgricht voah, hott eah sei aysel ufksaddeld un is noch sei haymet ganga in sei shtatt. Eah hott sei sach alles ausgricht, no hott eah sich kanka. Eah is kshtauva un voah fagrawva in sei daett sei grawb.

Hiob 9:24

Vann's land in di hend funn di ungettlicha fald, dann dekt eah di ksichtah funn di richtah zu. Vann's nett een is, dann veah is es?

Hiob 3:14

Ich veah am shlohfa mitt kaynicha un roht-gevvah, es sich heisah viddah ufgebaut henn es nunnah kfalla voahra.

2. Samuel 17:14

Da Absalom un di mennah funn Israel henn no ksawt, “Em Husai, da Arkiddah, sei roht is bessah es sell fumm Ahithophel.” Da Hah hott's so auskshaft es em Ahithophel sei goodah roht fahinnaht voah so es aylend uf da Absalom fald.

2. Samuel 15:31

Da Dawfit voah ksawt gvest es da Ahithophel im bund voah mitt em Absalom, so hott da Dawfit gebayda un ksawt, “Oh Hah, dray em Ahithophel sei roht zu dumhayda.”

Hiob 19:9

Eah hott mei eah vekk gnumma funn miah, un hott da krohn ab funn meim kobb gnumma.

Daniel 9:12

Du hosht dei vadda kalda es du gevva hosht geyyich uns un unsah roolahs bei uns grohsi dreebsawl bringa. Unnich em gansa himmel voah nee nix gedu vi gedu voah zu Jerusalem.