Hiob 10:3 - Pennsylvania Dutch Bible

³ Kfald's diah fa mich fafolka, fa di eahvet funn dei hend nunnah drayya, diveil es du froh bisht mitt di shkeems funn di gottlohsa?

Hiob 10:3 Referans Kwoze

Jesoiya 64:8

Doch, oh Hah, du bisht unsah Faddah. Miah sinn da clay, un du bisht da heffa-machah; awl funn uns sinn di eahvet funn dei hand.

Psalm 138:8

Da Hah zayld selli sacha ausfiahra es zu du henn mitt miah; dei shtandhaftichi-leevi, oh Hah is ayvichlich, faloss nee nett di verka funn dei hend.

Hiob 14:15

Du zaylsht roofa un ich gebb diah andvat, un en falanga havva fa sell es dei hend gmacht henn.

1. Petrus 4:19

So dann, selli vo leida doon noch Gott sei villa sedda ohhalda recht du un sedda iahra sayl ivvah-drayya zu demm shtandhafticha es si kshaffa hott.

Psalm 69:33

Da Hah heaht selli es noht henn, un fa'acht nett selli es kfanga sinn.

Hiob 40:8

Zaylsht du veiklich mei gericht zu nix macha? Daytsht du mich fadamma yusht so es du gerecht bisht?

Hiob 40:2

“Zayld sellah es eiyaht mitt em Awlmechticha, een recht setza? Loss sellah es Gott pshuldicht eem andvat gevva!”

Hiob 22:18

Doch hott eah iahra heisah kfild mitt goodi sacha, avvah ich fashtay da roht funn di gottlohsa nett.

Hiob 21:16

Nau heichet moll, dee leit mayna si macha sich selvaht goot ab, avvah ich nemm nett oh vass dee gottlohsi leit sawwa.

Hiob 9:24

Vann's land in di hend funn di ungettlicha fald, dann dekt eah di ksichtah funn di richtah zu. Vann's nett een is, dann veah is es?

Hiob 9:22

Es is alles ayns; fasell sawk ich, ‘Eah dutt di unshuldicha un di ungettlicha awl zvay umbringa.’

Hiob 8:20

Gott dutt geviss nett en gerechtah mann nunnah drayya, un gebt aw nett graft zu selli es evil doon.

Hiob 10:8

Dei hend henn mich zammah gedu un mich gmacht, draysht du nau rumm un fadaubsht mich?

Hiob 16:11

Gott hott mich ivvah-gedrayt zu ungerechti mennah, un hott mich in di hend funn di gottlohsa kumma glost.

Hiob 19:6

dann sellet diah vissa es Gott miah letz gedu hott, un hott sei net um mich rumm gedu.

Hiob 27:2

“So shuah es Gott laybt, deah es mei recht vekk gnumma hott, un da Awlmechtich, deah es mei sayl bedreebt gmacht hott,

Hiob 30:21

Du hosht shreklich geyyich mich gedrayt; mitt di macht funn dei hand dusht du mich fafolka.

Hiob 31:15

Hott nett sellah es mich gmacht hott in mei muddahs-leib, mei gnechta aw gmacht? Hott nett Gott uns awl gmacht im muddahs-leib?

Hiob 33:4

Da Geisht Gottes hott mich gmacht, un da ohften fumm Awlmechticha gebt miah layva.

Psalm 100:3

Bekennet es da Hah Gott is; eah hott uns gmacht, un miah sinn sei; miah sinn sei leit, un di shohf funn sei vayt.

Hiob 15:13

so es du dei geisht geyyich Gott draysht, un losht so vadda aus deim maul kumma?