Hebräer 2:15 - Pennsylvania Dutch Bible

¹⁵ In demm vayk hott eah selli frei gmacht es deich's angsht fumm doht iahra layva lang gnechta sei hedda missa.

Hebräer 2:15 Referans Kwoze

Römer 8:15

Diah hend nett en gnechta-geisht grikt es diah eich viddah feicha misset, avvah diah hend da Geisht grikt es eich kinnah macht, un deich een roofa miah, “Abba, Faddah!”

2. Timotheus 1:7

Fa Gott hott uns nett en geisht funn furcht gevva, avvah aynah mitt graft un leevi un en ksundah fashtand.

2. Korinther 1:10

Eah hott uns kalda funn sellem veeshta doht, un eah dutt uns nau fumm kfoah halda. Miah henn unsah hofning in eem es eah aw viddah uns fumm kfoah halda dutt,

Römer 8:21

Dess is veil selli sacha vo kshaffa sinn frei vadda zayla fumm fluch vass sacha fafaula macht, un si zayla en dayl havva in di hallich freiheit funn di kinnah Gottes.

Psalm 55:4

Mei hatz hott angsht in miah, un di furcht fumm doht is uf mich kfalla.

Psalm 89:48

Vass fa en mensh kann layva un nett shtauva? Kann eah sei sayl aus di graft fumm grawb halda? (Sela)

Psalm 56:13

Fa du hosht mei sayl aus di kfoah fumm doht kalda, un mei fees kalda funn shtolbahra, so es ich fannich Gott lawfa kann, im licht funn layva.

Psalm 33:19

so es eah iahra sayl fumm doht halda kann, un si am layva halda kann deich di hungahs-noht.

Hiob 24:17

'S dunkla is vi meiyets zu eena, si feicha sich nett veyyich di veeshta sacha funn di nacht.

Hiob 18:11

Alles um een rumm fagelshtaht een mitt angsht, un dess gayt eem nohch mitt alli shritt.

Galater 4:21

Sawwet miah, diah vo unnich em Ksetz sei vellet, heichet diah's Ksetz nett oh?

Psalm 73:19

Si vadda bletzlich zu nix gebrocht, si vadda vekk gekeaht zu en heslich end.

Hiob 18:14

Da sayf roo funn seim tent vatt eem vekk gnumma, un eah vatt zumm kaynich funn angsht gnumma.

Hebräer 2:16

Fa veiklich eah hott nett di naduah funn engel ohgnumma, avvah da sohma fumm Abraham.