Hebräer 10:6 - Pennsylvania Dutch Bible

⁶ Brand-opfahra un sind-opfahra kfalla diah nett.

Hebräer 10:6 Referans Kwoze

Matthäus 3:17

Un no hott en shtimm fumm Himmel ksawt, “Dess is mei Sohn es ich leeb habb! Ich binn goot zufridda mitt eem.”

Maleachi 1:10

“Oh, ich vott ayns funn eich dayt di tempel doahra zu macha, so es diah nett feiyah uf mei awldah du daydet fa nix! Diah sind miah nett kfellich,” sawkt da Awlmechtich Hah, “un ich nemm kenn opfah funn eich.

Philipper 4:18

Ich habb alles grikt, un may es ich brauch. Nau es ich di kshenkah grikt habb fumm Epaphroditus es diah kshikt henn, habb ich alles es ich brauch. Dee kshenkah sinn vi en sees-shmakkichah opfah es Gott ohnemd un es kfellich sinn zu eem.

Epheser 5:2

Un lawfet in leevi, so vi Christus uns leeb katt hott, un hott sich selvaht ufgevva fa uns fa en kshenk un en sees-shmakkich opfah zu Gott.

Psalm 147:11

avvah eah hott blesiah in selli es een firchta, in selli es iahra hofning in sei shtandhaftichi-leevi doon.

Hebräer 10:4

Dess is veil's nett meeklich is es bloot funn bulla un gays sinda vekk nemma kann.

1. Samuel 15:22

Da Samuel hott no ksawt, “Hott da Hah may blesiah in opfahra un brand-opfahra es vi em Hah sei shtimm heicha? Gukk moll, fa heicha is bessah es opfahra, un fa's du is bessah es es fett funn shohf-bekk.

Psalm 40:6

Shlacht-opfahra un shpeis-opfahra sinn diah nett kfellich, avvah mei oahra hosht du uf gmacht. Brand-opfahra un sind-opfahra hosht du nett kfrohkt difoah.